У Брэсцкай вобласці сёлета новыя лясы плануюць пасадзіць на плошчы 5 тыс. га. Пра гэта сёння паведаміў генеральны дырэктар Брэсцкага дзяржаўнага вытворчага лесагаспадарчага аб’яднання Аляксей Пракопаў падчас выніковай калегіі ведамства, перадае БЕЛТА.
У вобласці ў мінулым годзе лесааднаўлення праведзена больш чым на 5 тыс. га. Вырашчана 40 млн сеянцоў, у тым ліку 2,7 млн штук пасадачнага матэрыялу з закрытай каранёвай сістэмай. На такім жа пляцы стварыць новыя лясы плануецца і ў гэтым годзе. Пераважна ў адкрыты грунт будуць высаджаны маладыя хвоі, елі, дубы, ясені, бярозы.
«Упэўнены: з пастаўленай задачай рэгіён справіцца. Па дарозе ў Брэст я заязджаў у лесанасенны цэх у Івацэвічах, каб паглядзець, як яны гатовыя да веснавога сезону. Пасадкавы матэрыял маецца ў поўным аб’ёме», — сказаў першы намеснік міністра лясной гаспадаркі Валянцін Шатраўка. Ён дадаў, што да 1 сакавіка была абноўлена тэхніка для догляду за ляснымі культурамі. У лясгасы закуплены культыватары, трактары, бароны.
Лясгасы Брэсцкай вобласці не толькі цалкам забяспечваюць сябе пасадачным матэрыялам, але і пастаўляюць яго ў іншыя рэгіёны краіны, экспартуюць. У мінулым годзе гадавальнікі атрымалі даходы на Br192 тыс. Сума больш, чым у 2019-м. «У асноўным пастаўляем у Расію. Складанасць у тым, што ў Расійскай Федэрацыі змяніліся законы, з’явілася раянаванне. Ужыванне нашага пасадкавага матэрыялу магчыма ў межах 200-400 км. Таму прапанавалі іншую паслугу: бярэм у расейцаў насенне, заключаем працяглыя дагаворы на вырошчванне пасадачнага матэрыялу у нас. Так выходзім з сітуацыі», — адзначыў Аляксей Пракопаў.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
