Вы тут

Навукоўцы Гродзенскага медуніверсітэта атрымалі гранты на даследаванне COVID-19


Гранты Беларускага рэспубліканскага фонду фундаментальных даследаванняў атрымалі супрацоўнікі Гродзенскага дзяржаўнага медыцынскага ўніверсітэта. Яны сталі прызёрамі рэспубліканскага конкурсу праектаў «Навука „COVID-19“-2021».


Дзяржаўныя субсідыі дазволяць падтрымаць навуковыя пошукі прафесара і доктара медыцыны Наталлі Маціеўскай, а таксама дацэнтаў, кандыдатаў медыцынскіх навук Міхаіла Курбата і Віталя Шышко. Іх працы прысвечаны актуальным медыцынскім праблемам. У прыватнасці, навукоўцы даследуюць фактары, якія правакуюць захворванне каронавіруснай інфекцыі, а таксама ацэньваюць яе ўплыў на арганізм чалавека.

Дарэчы, не так даўно ВНУ атрымала магчымасць праводзіць дыягностыку ва ўніверсітэцкай навукова-даследчай лабараторыі інфекцыйных захворванняў, уключаючы COVID-19. Доўгатэрміновы дазвол на гэтую дзейнасць выдала Міністэрства аховы здароўя.

Такім чынам, Гродзенскі медуніверсітэт мае ўсе магчымасці і ўмовы, каб развіваць навуку ў гэтай галіне. У арсенале ў даследчыкаў усё сучаснае лабараторнае абсталяванне.

Міхаіл Курбат, загадчык навукова-даследчай лабараторыі распавёў, што ў структуры навукова-даследчай лабараторыі Гродзенскага медыцынскага ўніверсітэта раней была адкрыта лабараторыя малекулярна-генетычных даследаванняў.

— Тут праводзіліся і праводзяцца даследаванні ў рамках шматлікіх навукова-тэхнічных праграм. Пазалетась дзякуючы падтрымцы інавацыйнага фонду аблвыканкама тут пашырылі спектр абсталявання. У выніку мадэрнізацыі лабараторыя атрымала статус галіновай навуковай і выйшла на новы ўзровень. Гэта вельмі важна для працы па тэмах, якія атрымалі прызнанне і падтрымку Беларускага рэспубліканскага фонду фундаментальных даследаванняў, — растлумачыў спецыяліст.

У пачатку пандэміі кіраўніцтва ГрДМУ вырашыла пераарыентаваць лабараторыю, каб праводзіць даследаванні ў інтарэсах практычнага выкарыстання навыкаў. Там жа на бясплатнай аснове сталі праводзіць па заяўках ПЛР-дыягностыку каранавіруснай інфекцыі.

Нават сёння ўсе жадаючыя могуць звярнуцца ў лабараторыю для такой праверкі. Прафесарскі цэнтр не толькі ажыццяўляе збор матэрыялу, але і праводзіць кансультацыю спецыялістаў пасля атрымання вынікаў пройдзеных тэстаў.

Аліса СКІБА

Прэв’ю: pixabay.com

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.