Новую мутацыю каранавіруса, якая атрымала назву A107G, знайшлі ў нованароджанага ў Швецыі, паведамляе агенцтва «Мінск-Навіны» са спасылкай на The Conversation.
Па дадзеных выдання, цяжарную жанчыну шпіталізавалі ў Мальме з-за моцных боляў у жываце. У ходзе абследавання высветлілася, што ў малога знізілася сэрцабіцце, і лекары прынялі рашэнне рабіць кесарава сячэнне.
Аперацыя прайшла паспяхова. У маці і немаўляці ўзялі тэст на COVID-19 — у абодвух вынік быў станоўчым.
Вывучаючы сітуацыю, якая склалася, спецыялісты прыйшлі да высновы, што малы заразіўся яшчэ да нараджэння.
Пры гэтым па выніках першых аналізаў вірусы ў маці і дзіцяці былі ідэнтычныя, але праз некалькі дзён дактары выявілі змены ў папуляцыі інфекцыі ў нованароджанага. Новы штам выявіўся ў дзіцяці ўсяго праз 5 дзён пасля нараджэння.
Урачы мяркуюць, што вірус мог мутаваць з-за кантакту з вонкавым асяроддзем пасля выцягвання з нутробы маці.
На дадзены момант і маці, і малы абсалютна здаровыя. У абодвух захворванне працякала ў лёгкай форме. Пры гэтым лекары звярнулі ўвагу на тое, што абарону малышу забяспечыла яго ўласная імунная сістэма, так як у грудным малацэ жанчыны не было знойдзена антыцелаў.
Прэв’ю: pixabay.com
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
