Вы тут

Больш за 4 мільёны рублёў БМЗ уклаў у забеспячэнне бяспечных умоў працы супрацоўнікаў


Сродкі ААТ «БМЗ — кіруючая кампанія холдынгу „БМК“» інвесціравала ў ахову працы на працягу мінулага года.


belsteel.com

— Больш за 75 % вылучаных фінансавых рэсурсаў былі накіраваны на закупку спецадзення і іншых сродкаў індывідуальнай абароны, правядзенне медаглядаў і забеспячэнне медыкаментамі, а таксама рэалізацыю мерапрыемстваў па паляпшэнні і гарантаванні бяспечных умоў працы завадчан, — адзначае прэс-служба прадпрыемства.

Астатняя частка выдаткаў на ахову працы была выкарыстана на забеспячэнне супрацоўнікаў малаком (раўнацэннымі харчовымі прадуктамі), мыючымі і абеззаражвальнымі сродкамі, а таксама мыццё спецвопраткі і правядзенне даследаванняў працоўных месцаў.

— Калі казаць прадметна пра паляпшэнне ўмоў працы, то ў 2020 годзе на БМЗ было рэалізавана 59 адпаведных мерапрыемстваў. Яны ахопліваюць 21 завадское падраздзяленне і накіраваныя як на гарантаванне дадатковай бяспекі, так і на ўдасканаленне бытавых умоў, — удакладнілі ў прэс-службе прадпрыемства.

Рэалізаваныя мерапрыемствы дазволілі палепшыць умовы працы і знізіць рызыкі траўміравання на працоўных месцах для 2840 завадчан.

Наталля КАПРЫЛЕНКА

Выбар рэдакцыі

Грамадства

Якую небяспеку нясе экспрэс-дыета?

Якую небяспеку нясе экспрэс-дыета?

 Варта разумець, што дыеты такога тыпу — радыкальны метад, які мае шмат мінусаў.

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.