Вы тут

У 2020 годзе беларускія энцыклапедысты выдалі 77 найменняў кніг


Міністэрства інфармацыі Рэспублікі Беларусь надае вялікую ўвагу развіццю айчыннага кнігавыдання. І выяўляецца гэта найперш — праз працу дзяржаўных кніжных выдавецтваў. І пандэмічная сітуацыя, розныя эканамічныя складанасці не з’яўляецца перашкодай у плённай працы выдаўцоў. Як прыклад — дзейнасць выдавецтва «Беларуская Энцыклапедыя імя Петруся Броўкі».


У 2020 годзе беларускія энцыклапедысты выдалі 77 найменняў кніг. Сярод іх — і выданні, якія адлюстроўваюць ваенную тэматыку, прысвечаны 75-годдзю Вялікай Перамогі. Гэта — і серыі «Беларусь памятае. У імя жыцця і міра», «Беларусь памятае. Трагедыя і праўда жыцця», і чарговыя тамы ўнікальнага шматабсяжнага па зместу праекта рэгіянальных энцыклапедый. Выйшлі ў 2020 годзе тамы, прысвечаныя Магілёўскай і Віцебскай абласцям.

Шырокі розгалас у чытача займела энцыклапедыя «Уладзімір Караткевіч», дзе пад адной вокладкай выдавецтва аб’яднала каля 1000 артыкулаў. Прымеркаванае да 90-годдзя з дня нараджэння класіка беларускай літаратуры, выданне ўжо не аднойчы прэзентавалася на розных пляцоўках. Пра яго шмат пішуць у перыядычным друку, у сацыяльных сетках.

Цікавым падаецца і энцыклапедыя «Жыровічы. Пад святым пакровам. Энцыклапедыя». Гістарычнай святыні Беларусі прысвечана цэлая энцыклапедыя! Такі вопыт, відавочна, выявіўся толькі ў Беларусі. На тэму канфесійнага жыцця ў Беларусі — і альбом «Храм-помнік зямлі беларускай», які атрымаў Гран-пры на конкурсе «Мастацтва кнігі-2020».

Цікавасць у аматараў выяўленчага мастацтва, несумненна, выклічуць і альбомы «Зямля і неба Фердынанда Рушчыца», «Беларская акварэлія. Беларускі акварэльны жывапіс», «І рай, і боль на песеннай зямлі. Графіка беларускіх мастакоў 20–30-х гг. XX ст.»

Сяргей ШЫЧКО

Прэв’ю: depositphotos.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».