У мэсэнджары Viber з'явілася функцыя «Абарона ад лішніх званкоў», пры актывацыі якой карыстальнік не будзе атрымліваць апавяшчэнні аб званках з нумароў, якія не ўваходзяць у яго спіс кантактаў. Пра гэта паведамілі ў прэс-службе кампаніі.
Новая функцыя даступная ў апошняй версіі Viber для ўсіх карыстальнікаў з беларускімі нумарамі мабільных тэлефонаў.
Каб актываваць функцыю, трэба адкрыць раздзел «Яшчэ», увайсці ва ўкладку «Налады», затым выбраць «Выклікі і паведамленні» і ўключыць тумблер насупраць пункта «Абарона ад лішніх званкоў». Пасля гэтага карыстальнік не будзе атрымліваць уваходныя відэа- і аўдыёзванкі ад невядомых кантактаў.
Як паведамілі ў Viber, інфармацыя аб гэтых званках будзе захавана толькі ў спісе чатаў як «Прапушчаны выклік», а таксама ў раздзеле «Нядаўнія выклікі». Так, карыстальнікі не прапусцяць нічога важнага і змогуць ператэлефанаваць пры неабходнасці.
«На фоне частых выпадкаў махлярства праз мэсэнджары ў Беларусі, мы хочам даць магчымасць нашым карыстальнікам засцерагчы сябе ад зносін з невядомымі кантактамі», — адзначыла старэйшы дырэктар па развіцці Rakuten Viber Ганна Мігаль.
Пры гэтым, функцыя не ўключана па змаўчанні, і карыстальнік сам вырашае, ці хоча ён цалкам забараніць званкі ад незнаёмых яму людзей у Viber ці пакінуць такую магчымасць.
У кампаніі адзначылі, што Беларусь стала адной з першых краін, у якіх запушчана гэтая опцыя. На дадзены момант функцыя «Абарона ад лішніх званкоў» даступная на прыладах на базе Android і iOS, а таксама на камп’ютарнай версіі прыкладання.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
