Перакрыты канал пастаўкі беларусак для прастытуцыі

Перакрыты канал пастаўкі беларусак для прастытуцыі. Такую інфармацыю размясціла ў сваім Telegram-канале афіцыйны прадстаўнік МУС Вольга Чамаданава.

Праваахоўнікі выйшлі на 22-гадовага мінчаніна, які вербаваў дзяўчат для занятку прастытуцыяй за мяжой.

«Малады чалавек знаёміўся з жанчынамі на сайтах інтым-знаёмстваў і прапаноўваў ім паехаць на заробкі ў Маскву. Атрымаўшы згоду, затрыманы адпраўляў заказчыкам фота і дадзеныя кліентак, а затым арганізоўваў іх выезд у Расію. На месцы „тавар“ сустракалі змоўшчыкі беларуса», — распавялі ў МУС.

За кожную дзяўчыну вярбоўшчыкі абяцалі 7000 расійскіх рублёў. Ён паспеў угаварыць трох, але адправіць іх перашкодзілі міліцыянеры.

Следчыя далі прававую ацэнку дзеянням мінчаніна і распачалі крымінальную справу за арганізацыю і (або) выкарыстанне заняцця прастытуцыяй або стварэнне ўмоў для занятку прастытуцыяй.