Вы тут

Акцыю па назіранні за птушкамі - вестунамі вясны праводзяць у Беларусі


Акцыю па назіранні за птушкамі «Жывая вясна» праводзяць у Беларусі, паведамілі ў грамадскай арганізацыі «Ахова птушак Бацькаўшчыны» (АПБ).


«Жывая вясна» — міжнародная кампанія глабальнай прыродаахоўнай асацыяцыі BirdLife International, мэта якой — прыцягнуць увагу дзяцей і дарослых да дзікай прыроды, да аховы мігруючых птушак. Вестунамі вясны выбраны сем птушак, якіх дастаткова лёгка пазнаць: белы бусел, вясковая ластаўка, чорны свіргуль, зязюля, ластаўка-зямлянка, шчурка-пчалаедка і вялікі зуёк. Людзі з розных краін будуць назіраць за імі і складаць онлайн-карту іх падарожжа з выраю на радзіму.

Шчуркі-пчалаедкі. Фота Аляксандры Кудзінавай. ptushki.org

У 10-х чыслах сакавіка звычайна вяртаюцца ў Беларусь вялікія зуйкі і белыя буслы, у першай палове красавіка — вясковыя ластаўкі і зязюлі, у канцы красавіка і пачатку мая — берагавыя ластаўкі і чорныя свіргулі, у канцы траўня — шчурка-пчалаедка.

АПБ запрашае ўсіх жадаючых паўдзельнічаць у акцыі. Заўважыўшы птушку аднаго з сямі відаў, можна расказаць пра гэта пры дапамозе формы «Дадаць назіранне» на сайце кампаніі «Жывая вясна» (springalive.net) ці пакінуць паведамленне ў соцсетях Facebook і «УКантакце» на прысвечаных праекту старонках.

Падчас акцыі пройдуць таксама конкурсы, экскурсіі, прэзентацыі, школьныя святы і гульні.

Кампанія «Жывая вясна» стартавала ў 2006 годзе. У мінулым годзе на яе сайт паступіла больш за 1 тыс. назіранняў ад удзельнікаў з 59 краін Еўропы, Цэнтральнай Азіі і Афрыкі.

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.