Вы тут

Павел Міхалькевіч. Паштоўка з горада Л.


Інцыдэнт у пляжнай кавярні
 

Круглы месяц з-за хмары нагадвае вочка ўваходных

Якое падказвае: нехта на лесвічнай тоіцца

Зазірнуць — кулю ў зрэнку

пры гэтых умовах зусім не ахвота

Калі за дзвярыма схаваўся наёмны забойца

 

А ты закапала Chenet на межах прыліву

І ўзлезла паверх на адзіным, не сцягнутым у штабель шэзлонгу

А што калі гэта за намі стуль сочаць і так усміхаюцца кпліва

Ўцехам спрадвечным пад гук на рэпіце запененых зонгаў

 

І так мы з табою заснём, і такімі нас знойдуць на ўсходзе

Скандал, два разводы ў слязах, на ядвабнай сукенцы — ад солі

А-у, я з табой размаўляю. Тарашчыцца годзе

Пайдзі яшчэ сядзь за іх столік


***

 

Як Іудавы вусны Ісус

Я смактаў карамель тваіх вуснаў

І куцця была наша таемнай

 

Сярод тузінаў модных тунік

Менавіта ў тваёй я і знік

І шукаць маё цела дарэмна

 

Пакідаю на памяць свой тэкст

І прыстаўку няпоўную «экс»

Павандрую па свеце ізгоем

 

Усё забудзецца — выпадзе снег

Чалавек — ён для часу што снэк

Немаўля на малюнку Ф. Гоі


***

 

Перасцерці спасылкі і вызваліць памяці рэшту

Замовіць для дзевачкі чыстае

бруд-

бруд-

бруд-

брудны марціні

За стойкаю барнай згуляць з незнаёмкай у Цярэшку

Як рабілі раней на Радзіме

 

Страх адтуль, што ты думаеш, гэта не мае ліміту

А не таму, што твой час немінуча надыдзе

Можа быць, не напішаш ніколі сваю Энеіду

Можа быць, ты — герой у Энеідзе

 

Жыватворны глыток цяжкай кававай нафты

На ўмывальніку — ейныя ватныя дыскі

І бязважкасць на твары яе што палёт астранаўтаў

І сагнутыя ў мроях меніскі

 

Перасцерці спасылкі і вызваліць памяці рэшту...

 

Павел Міхалькевіч нарадзіўся 7 студзеня 1992 года ў Гродна.

Было сказана, што выпадковае, з’яўляючыся непазбежным, складае карысць кожнай справе. Гэта рымэйк культавага: каб вы толькі ведалі, з якога смецця нараджаюцца вершы. Было сказана: рэха нагнаць і ўгаварыць вярнуцца. Ці то ўтаймаваць рэха. Многа было сказана, і мне даспадобы — што і як. Як мне даспадобы дзюшэс. Як і фантан Дзюшана. Як парэз Луча Фантана. Як горад пад вежай пра «Луч»-гадзіннікі. Як корань з мінус адзінкі. Глупства не імкнуцца да таго, што / каго так любіш. Як пісаць інкогніта, не пазначаючы адрасата. Зрэшты, можа, і ў гэтым астатнім нешта ёсць.

Выбар рэдакцыі

Калейдаскоп

Тэст. Блізка да зор: беларусы і космас

Тэст. Блізка да зор: беларусы і космас

12 красавіка спаўняецца 60 гадоў першаму палёту чалавека ў космас.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні давядзецца сабрацца — ад вас спатрэбяцца стойкасць і цярпенне.

Культура

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Абеліск у памяць пра вязняў канцлагера стаіць крыху наводдаль.

Грамадства

Як засцерагчы сябе ад нітратаў?

Як засцерагчы сябе ад нітратаў?

Медыкі раяць налягаць на вясновую зеляніну.