Васіль Вітка (1911—1996) — беларускі паэт, літаратурны крытык, перакладчык, публіцыст, празаік, драматург, педагог; класік беларускай дзіцячай літаратуры. Заслужаны дзеяч культуры БССР.
Васіль Вітка пакінуў багатую літаратурную спадчыну. Ён аўтар зборнікаў паэзіі «Гартаванне», «Поўдзень», «Вернасць», «Ружа і штык», «Беларуская калыханка», «Праводзіны лета», «Вышыні святла», «Случчына», «Трэція пеўні»; зборнікаў паэзіі і вершаваных казак для дзяцей «Вавёрчына гора», «Буслінае лета», «Дударык», «Азбука Васі Вясёлкіна», «Хто памагае сонцу», «Ладачкі-ладкі», «Казкі і краскі», «Загадка пра зярнятка», «Свята дружбы»; п'ес «Прамень будучыні», «Шчасце паэта»; літаратурна-крытычных і публіцыстычных артыкулаў на маральна-этычныя і выхаваўчыя тэмы; кніг перакладаў класікаў рускай, украінскай, латышскай, балгарскай і польскай літаратур.
Вершы — Васіль ВІТКА, музыка — Яўген КСЯНЕВІЧ
1. Тайну я сваю хаваю,
Берагу бяду маю —
Аднаго даўно кахаю,
Пра другога думаю.
Прыпеў (2 разы):
А яны — і той, і гэты —
Паўз маё акеначка
Ходзяць і не бачаць свету,
Ані-нічагенечка.
2. На ўсю вуліцу палае
Цвет на падаконніку —
Завушніцамі хістае,
Свеціцца
як сонейка.
Прыпеў (2 разы).
3. Аніводзін
не спыніўся,
Нават не прымецілі.
Трэці глянуў —
задзівіўся...
Пакахаю трэцяга!
Прыпеў (2 разы).
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».