Вы тут

Грамадскія ініцыятывы павінны падтрымлівацца таксама і за бюджэтныя сродкі


Перадгісторыя пытання наступная. На шостым Усебеларускім народным сходзе атрымала падтрымку прапанова Савета Рэспублікі і Маладзёжнага савета (парламента) аб з'яўленні сістэмы падтрымкі стваральных ініцыятыў грамадзянскай супольнасці, накіраваных на вырашэнне канкрэтных сацыяльна-эканамічных праблем, павышэнне якасці жыцця людзей, садзейнічанне найбольш поўнаму раскрыццю творчага патэнцыялу моладзі.


Таццяна Рунец. Фота: sb.by

— У бягучым годзе фінансаваць такія праекты ўяўляецца мэтазгодным за кошт рэсурсаў Банка развіцця Рэспублікі Беларусь. У рамках аказання спонсарскай дапамогі Банк можа даць сродкі як мясцовым органам улады, так і, напрыклад, рэспубліканскаму саюзу грамадскіх аб'яднанняў «Беларускі камітэт маладзёжных арганізацый», які знаходзіцца пад патранажам Міністэрства адукацыі, — адзначыла старшыня Пастаяннай камісіі па эканоміцы, бюджэце і фінансах Савета Рэспублікі Таццяна РУНЕЦ.

Разам з тым сенатар звярнула ўвагу на тое, што рэалізацыя грамадзянскіх ініцыятыў павінна непасрэдна падтрымлівацца і за кошт бюджэтных сродкаў. Таму пачынаючы з 2022 года прапануецца распрацаваць механізм фінансавання праектаў, які прадугледжвае ў тым ліку выдзяленне сродкаў з рэспубліканскага і мясцовых бюджэтаў, і надаць яму належны прававы статус. Для гэтага, кажа старшыня профільнай камісіі, спатрэбіцца карэкціроўка законаў «Аб мясцовым кіраванні і самакіраванні ў Рэспубліцы Беларусь», «Аб асновах дзяржаўнай маладзёжнай палітыкі», «Аб дзяржаўнай падтрымцы маладзёжных і дзіцячых грамадскіх аб'яднанняў у Рэспубліцы Беларусь», іншых актаў заканадаўства.

Са свайго боку Савет Рэспублікі гатовы забяспечыць каардынацыю гэтай дзейнасці.

Вольга АНУФРЫЕВА

Загаловак у газеце: Грошы на грамадскія ініцыятывы

Выбар рэдакцыі

Грамадства

«Ніякія межы больш не падзеляць нашу родную зямельку — Беларусь»

«Ніякія межы больш не падзеляць нашу родную зямельку — Беларусь»

Менавіта гэтымі словамі нашы папярэднікі-«звяздоўцы» віталі 17 верасня 1939 года.

Грамадства

Мінск сустракае дзяцей з Данецкай вобласці

Мінск сустракае дзяцей з Данецкай вобласці

Дзеці з Данецкай вобласці прыехалі ў Беларусь на адпачынак і аздараўленне.

Грамадства

Аляксандр Корбут: Найбольш вядомыя заказнікі і нацыянальныя паркі адчуваюць павышаную нагрузку

Аляксандр Корбут: Найбольш вядомыя заказнікі і нацыянальныя паркі адчуваюць павышаную нагрузку

Наша краіна валодае надзвычай багатым прыродным патэнцыялам для развіцця экатурызму.