Вы тут

У Нацыянальнай бібліятэцы падвялі вынікі анлайн-конкурсу «О, Беларусь, мая шыпшына»


Урачыстая цырымонія падвядзення вынікаў рэспубліканскага анлайн-конкурсу чытальнікаў «О, Беларусь, мая шыпшына», прымеркаванага да 120-годдзя Уладзіміра Дубоўкі, прайшла ў галерэі «Лабірынт» Нацыянальнай бібліятэкі Беларусі. Арганізатары і партнёры праекта павіншавалі пераможцаў у асноўных катэгорыях і ўручылі памятныя дыпломы і прызы. Сярод партнёраў — часопісы «Маладосць» і «Бярозка», Дзяржаўны музей гісторыі беларускай літаратуры, Беларускі фонд культуры, а таксама народны тэатр «Жывое слова».


Конкурс чытальнікаў праходзіў з 1 кастрычніка па 15 лістапада 2020 года. У ім паўдзельнічала 880 аматараў творчасці Уладзіміра Дубоўкі, у тым ліку з-за мяжы, ва ўзросце ад 5 да 85 гадоў. Ідэя атрымала шырокі рэзананс, актыўна пашыралася ў сацсетках і на YouTube-канале.

— Гэты праект стаў вельмі важнай з’явай для нашай бібліятэкі, — адзначыў Алесь Суша, намеснік генеральнага дырэктара — дырэктар па навуковай рабоце і выдавецкай дзейнасці Нацыянальнай бібліятэкі. — Мне здаецца правільным, калі аб’ядноўваюцца намаганні бібліятэкараў, музейшчыкаў, архівістаў, выдаўцоў, літаратараў, крытыкаў, бо менавіта так мы можам папулярызаваць нашу культуру, вартыя ўвагі дасягненні, якія маем. «Маладняк», безумоўна, такім з’яўляецца, а імя Уладзіміра Дубоўкі ў кантэксце святочных мерапрыемстваў займае асаблівае месца, бо яго творчасць і сёння працягвае нас натхняць.

У склад журы конкурсу ўвайшлі супрацоўнікі Нацыянальнай бібліятэкі, а таксама запрошаныя ўдзельнікі праекта: Ірына Багдановіч, паэтэса, кандыдат філалагічных навук, дацэнт кафедры гісторыі беларускай літаратуры філалагічнага факультэта Беларускага дзяржаўнага ўніверсітэта; Аксана Данільчык, паэтэса, перакладчык, кандыдат філалагічных навук; Алеся Сівохіна, аўтар і выканаўца, рэжысёр, мастацкі кіраўнік народнага літаратурнага тэатра «Жывое слова». Алесь Суша падкрэсліў: экспертам было складана не толькі аб’ектыўна ацаніць, але нават цалкам вывучыць усе работы. У выніку пераможцамі сталі 59 удзельнікаў у 28 намінацыях. Прыз глядацкіх сімпатый — за найбольшую колькасць «падабаек» у конкурснай групе на Facebook — атрымалі Іван Скарабагатаў і Эліна Рогалева, вучні Магілёўскай дзяржаўнай гімназіі.

Дарэчы, конкурс чытальнікаў «О, Беларусь, мая шыпшына» з’яўляецца часткай праекта «На хвалі часу, у плыні жыцця», прымеркаванага да 100-годдзя ўтварэння літаратурнага аб’яднання «Маладняк». Ён рэалізуецца Нацыянальнай бібліятэкай сумесна з Дзяржаўным музеем гісторыі гісторыі Беларускай літаратуры, Беларускім дзяржаўным архівам-музеем літаратуры і мастацтва і выдавецкім домам «Звязда».

Яўгенія ШЫЦЬКА

Фота Кастуся ДРОБАВА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».