Вы тут

Баранавічы прымаюць міжнародны турнір па хакеі на траве


У Баранавічах стартуе традыцыйны міжнародны турнір па хакеі на траве сярод жаночых каманд на прызы Баранавіцкага гарвыканкама. Сёлета з 2 па 6 красавіка за галоўны трафей «Кубку Садружнасці» будуць спаборнічаць каманды з Беларусі, Расіі і Украіны.


Восем каманд будуць раздзеленыя на дзве групы. У групе А сыграюць: «Дынама-Ак Барс» (Казань), зборная Беларусі U-18, ХК «Мінск», ГХК «Рытм» (Гродна). У групе В прадстаўлены зборная Свярдлоўскай вобласці (Расія), МСК «Сумчанка» (Сумы, Украіна), ХК «Тэкстыльшчык БарДУ» (Баранавічы), ХК «Вікторыя» (Смалявічы).

З 2 па 4 красавіка запланаваныя матчы групавой стадыі турніру. 5 красавіка пройдуць паўфіналы паміж дружынамі, якія занялі першыя і другія месцы ў групах, а таксама кваліфікацыйныя паядынкі паміж камандамі, якія сталі трэцімі і чацвёртымі. Галоўны трафей будзе разыграны 6 красавіка. Каманды, якія ўступілі на гэтай стадыі, будуць спрачацца за трэцяе месца.

Даведка. «Кубак Садружнасці» з 2014 году праходзіць на полі знакамітага баранавіцкага комплексу «Дубава спорт». Турнір ужо атрымаў неафіцыйную назву «Кубак СНД». На першы турнір заявілася толькі шэсць каманд, у 2020 годзе заяўкі падалі 14 каманд. Па словах арганізатара і галоўнага трэнера баранавіцкага клуба «Тэкстыльшчык» Георгія Бельскага, некаторым камандам нават прыходзілася адмаўляць, бо фізічна было немагчыма ў пяць дзён правесці спаборніцтвы з такой колькасцю ўдзельнікаў. У мінулым годзе праз пандэмію каранавіруса турнір не праводзіўся. Традыцыя працягнецца зараз.

Валерыя СЦЯЦКО

Выбар рэдакцыі

Калейдаскоп

Тэст. Блізка да зор: беларусы і космас

Тэст. Блізка да зор: беларусы і космас

12 красавіка спаўняецца 60 гадоў першаму палёту чалавека ў космас.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні давядзецца сабрацца — ад вас спатрэбяцца стойкасць і цярпенне.

Культура

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Абеліск у памяць пра вязняў канцлагера стаіць крыху наводдаль.

Грамадства

Як засцерагчы сябе ад нітратаў?

Як засцерагчы сябе ад нітратаў?

Медыкі раяць налягаць на вясновую зеляніну.