Вы тут

Што падаражэе, калі і на колькі?


Міністэрства антыманапольнага рэгулявання і гандлю апублікавала «тарыфны сшытак» — прагноз змянення пастаянна рэгулюемых дзяржавай цэн і тарыфаў у 2021 годзе. Адпаведныя рашэнні «будуць прымацца з улікам існуючай эканамічнай сітуацыі ў краіне, інфляцыйных працэсаў ва ўвязцы з ростам даходаў насельніцтва», адзначылі ў МАРГ.


Згодна з дакументам, пасажырскія перавозкі гарадскім транспартам «вырастуць» да канца года на 5 капеек за квіток, перавозкі прыгарадным аўтатранспартам — на 1 капейку за км. Тарыфы на пасажырскія чыгуначныя перавозкі падаражэюць у другім квартале на 15 працэнтаў.

Што датычыцца тарыфаў на паслугі ЖКГ, у першым квартале іх кошт павялічыўся на 8,9 %. У планах падаражанне ў трэцім — на 0,6 працэнта і ў чацвёртым — на 0,4 %. Тарыфы на жыллёва-камунальныя паслугі павышаюцца, зыходзячы з гранічных значэнняў тарыфаў, вызначаных Указам ад 24 снежня 2020 года № 490 (прырост плацяжу па стандартнай кватэры не перавысіць $5 па сярэднегадавым курсе).

Тытунёвыя вырабы ў цэлым за год падаражэюць на 15,9 працэнта, моцныя алкагольныя напоі — на 4,7 %. Павышэнне звязана з ростам ставак акцызаў.

Тарыфы на ўсе віды сувязі (інтэрнэт, сотавую, паштовую, электрасувязь) у чацвёртым квартале павысяцца на 4 працэнты. Падаражаннем будуць кампенсаваць рост выдаткаў, але яно не перавысіць узровень прагнознай базавай інфляцыі.

Павышэнне тарыфаў на адукацыю (ад дашкольнай да вышэйшай) плануецца на 10 працэнтаў. Для ВНУ і школ гэта звязана з неабходнасцю кампенсацыі павышэння выдаткаў на аплату працы педагагічных і іншых работнікаў устаноў адукацыі, для дзіцячых садкоў — збліжэння натуральных і грашовых нормаў спажывання.

У другім квартале на 4 працэнты павялічацца тарыфы на рытуальныя паслугі (гарантаваныя паслугі па пахаванні). Таксама ў другім квартале будзе павялічаны тарыф на ахову жылля на 0,4 базавай велічыні (цяпер 1 БВ — Br29).

Камісія па пытаннях дзяржаўнага рэгулявання цэнаўтварэння пры Савеце Міністраў узгадніла павышэнне цэн на алей, паведамілі ў Міністэрстве антыманапольнага рэгулявання і гандлю. Рост сусветных цэн на алей, які ў Беларусі адносіцца да тавараў крытычнага імпарту, прывёў да значнага павелічэння кантрактных расцэнак у сакавіку 2021 года — больш чым на 20 %. Пры гэтым цэны на асноўную сыравіну (насенне сланечніка) за сакавік выраслі на 16,7 %.

«Для забеспячэння насельніцтва гэтым прадуктам у поўным аб'ёме камісія па пытаннях дзяржрэгулявання цэнаўтварэння пры Саўміне ўзгадніла павышэнне цэн на алей (акрамя аліўкавага) юрыдычным асобам усіх формаў уласнасці і індывідуальным прадпрымальнікам, што ажыццяўляюць яго вытворчасць (увоз) і (або) рэалізацыю на ўнутраны рынак у памеры, які не перавышае 15 % цэн на 28 лютага 2021 года», — падкрэслілі ў МАРГ.

Прэв’ю: pixabay.com

Выбар рэдакцыі

Калейдаскоп

Тэст. Блізка да зор: беларусы і космас

Тэст. Блізка да зор: беларусы і космас

12 красавіка спаўняецца 60 гадоў першаму палёту чалавека ў космас.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні давядзецца сабрацца — ад вас спатрэбяцца стойкасць і цярпенне.

Культура

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Абеліск у памяць пра вязняў канцлагера стаіць крыху наводдаль.

Грамадства

Як засцерагчы сябе ад нітратаў?

Як засцерагчы сябе ад нітратаў?

Медыкі раяць налягаць на вясновую зеляніну.