Вы тут

Мінлясгас: Усе лесагаспадарчыя ўстановы гатовы да пажаранебяспечнага сезона


Усе лесагаспадарчыя ўстановы гатовы да пажаранебяспечнага сезона, паведаміў журналістам кансультант упраўлення лясной гаспадаркі Мінлясгаса Аляксей Бойка на прэс-канферэнцыі ў Нацыянальным прэс-цэнтры, перадае БелТА.


«Ахова ляснога фонду ад узнікнення пажараў ажыццяўляецца ў строгім выкананні спецыфічных патрабаванняў па забеспячэнні пажарнай бяспекі ў лясах Беларусі. У сярэдзіне сакавіка бягучага года спецыялісты Міністэрства лясной гаспадаркі правялі работу па ацэнцы гатоўнасці лесагаспадарчых устаноў да будучага сезона, па выніках якой адзначана, што ўсе ўстановы гатовы да пажаранебяспечнага сезона 2021 года», — падкрэсліў Аляксей Бойка.

Для тушэння лясных пажараў у сістэме Мінлясгаса функцыянуе 259 пажарна-хімічных станцый і 668 пунктаў пажарнага інвентару, якія абсталяваны неабходнымі сродкамі пажаратушэння. Колькасць лесапажарных каманд і брыгад складае звыш 4,7 тыс. чалавек. Пажарных аўтамабіляў налічваецца 543 адзінкі, усюдыходаў — 27, ёмістасцей для падвозу вады — 801, мотапомпаў — звыш 2 тыс., лесапажарных модуляў — 357, ранцавых лясных апырсквальнікаў — звыш 12 тыс.

«З мэтай павышэння эфектыўнасці своечасовага выяўлення лясных пажараў у Мінлясгасе ў мінулым годзе была завершана праграма будаўніцтва пажарна-назіральных вышак і мачтаў і ўстаноўкі відэанагляду за лясным фондам. Толькі ў 2020 годзе было ўстаноўлена 17 пажарна-назіральных мачтаў, а таксама 53 сістэмы відэанагляду. Усяго у сістэме налічваецца 667 пажарна-назіральных вышак і мачтаў, абсталяваных сістэмай відэанагляду, якая забяспечвае 100-працэнтнае пакрыццё тэрыторыі ляснога фонду», — расказаў кансультант.

Таксама Аляксей Бойка адзначыў, што прадаўжаецца работа па ўкараненні аўтаматызаванай сістэмы сачэння ранняга выяўлення лясных пажараў дыстанцыйнымі метадамі з выкарыстаннем сістэм відэанагляду. «Яна дае магчымасць у аўтаматычным рэжыме, у кароткія тэрміны і пры мінімальных затратах выяўляць сітуацыі надзвычайнага характару. Дакладнасць гэтага сегмента каля 90 працэнтаў, а вызначэння — да 150 м, радыус агляду дасягае 35 км», — удакладніў ён.

«У адпаведнасці з арт. 16.21 КоАП за парушэнне патрабаванняў пажарнай бяспекі ў лясах або на тарфяніках альбо парушэнне забароны на наведванне, якое не прывяло да прычынення шкоды, прадугледжваецца штраф у памеры да 12 БВ. За парушэнне патрабаванняў па забеспячэнні пажарнай бяспекі ў лясах і на тарфяніках, якое прывяло да знішчэння або пашкоджання лесу альбо тарфянікаў, можна атрымаць штраф да 30 БВ», — звярнуў увагу Аляксей Бойка.

Дарэчы, на сайце Міністэрства лясной гаспадаркі ёсць інтэрактыўная карта забарон і абмежаванняў на наведванне, дзе можна азнаёміцца ​​з актуальнай сітуацыяй. На сённяшні дзень ні ў адным раёне рэспублікі абмежаванняў не ўстаноўлена.

Прэв’ю: pixabay.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».