Вы тут

У нядзелю будзе ўжо да 20 цяпла


Ну, безупынны халадзільнік. Менавіта так варта называць надвор'е на гэтым тыдні. А яно было сапраўды халодным — недзе на 2—4 градусы ніжэй за кліматычную норму. Але ў выхадныя сітуацыя ў атмасферы зменіцца. Паветраная маса пачне паступаць з паўднёвага захаду Еўропы, і пацяплее, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.


unsplash.com

У суботу будзе воблачна з праясненнямі, удзень месцамі па паўночным захадзе пройдуць кароткачасовыя дажджы. Вецер удзень парывісты, у асобных раёнах па паўночным захадзе краіны моцны парывісты. Уначы складзе ад мінус 2 градусаў да 4 цяпла. Удзень — ад плюс 9 градусаў да 16 цяпла. У нядзелю пераменная воблачнасць, месцамі па паўночным захадзе пройдуць кароткачасовыя дажджы. Вецер паўднёвы ўмераны, удзень парывісты. Тэмпература паветра ўначы складзе плюс 1—6 градусаў, а ў дзённыя гадзіны — да 14—20 цяпла.

Паводле папярэдніх прагнозаў айчынных сіноптыкаў, у першай палове наступнага тыдня захаваецца цёплае надвор'е з максімальнымі тэмпературамі каля 20 градусаў цяпла. У панядзелак — без ападкаў. Тэмпература паветра ўначы складзе ад нуля да плюс 7 градусаў. Удзень будзе ад плюс 13 градусаў да 20 цяпла. У аўторак месцамі пройдуць кароткачасовыя дажджы, магчымы навальніцы. Тэмпература паветра ўначы складзе плюс 2—9 градусаў. Удзень будзе плюс 11—18 градусаў, а па поўдні краіны — аж да 20 цяпла.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».