10 красавіка ў 19:46 у МНС паступіла паведамленне аб тым, што ў вёсцы Жуковічы Гродзенскага раёна 17-гадовы хлопец збіраецца саскочыць з даху трохпавярховага дома, патрабуецца дапамога ратавальнікаў. Пра гэта паведамілі на сайце МНС.
Неўзабаве два аддзяленні пажарнай аварыйна-выратавальнай часці №7 г. Гродна прыбылі да месца інцыдэнту. Юнак сядзеў на краі даху, звесіўшы ногі ўніз.
Адны ратавальнікі падняліся на дах, паспрабавалі ўстанавіць з хлопцам слоўны кантакт і адгаварыць ад задуманага. Тым часам іншыя разгарнулі «куб жыцця». Паколькі юнак нерваваўся і бегаў па даху, надзіманую канструкцыю прыйшлося неаднаразова перамяшчаць.
На працягу дваццаці хвілін ратавальнікі гутарылі з хлопцам, ім удалося падысці бліжэй, узялі пад рукі, вывелі ўніз і перадалі медработнікам. Расследаванне абставінаў здарэння праводзяць супрацоўнікі міліцыі.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
