Выпрабаванні праводзіліся ў два этапы — 8 і 11 красавіка, паведамілі ў тэлеграм-канале Міністэрства энергетыкі.
Яны прадугледжвалі адключэнне ўсіх міждзяржаўных ліній электраперадачы на беларуска-літоўскім сячэнні з мэтай аналізу рэжымаў працы на энергааб’ектах Беларусі, а таксама ацэнкі дастатковасці распрацаваных тэхнічных мерапрыемстваў па нівеліраванню наступстваў аддзялення краін Балтыі ад энергакальца БРЭЛЛ, які аб’ядноўвае Беларусь, Расію, Эстонію, Латвію і Літву.
Як адзначыў намеснік генеральнага дырэктара — галоўны дыспетчар ДВА «Белэнерга» Дзяніс Кавалёў, выпрабаванні прайшлі паспяхова і прадэманстравалі тэхнічную магчымасць беларускай энергасістэмы працаваць без сувязяў з літоўскай. «Акрамя таго, мы пацвердзілі правільнасць і дастатковасць распрацаваных тэхнічных мерапрыемстваў па паляпшэнні надзейнасці электразабеспячэння сваіх прыгранічных энергетычных вузлоў, у асноўным ва ўмовах рэалізацыі рамонтнай кампаніі. Дадзеныя тэхнічныя мерапрыемствы павінны быць рэалізаваны ў тэрмін да 2023», — растлумачыў ён.
Бепарускую і літоўскую энергасістэмы звязваюць 13 ліній электраперадачы, чатыры з іх — элементы сістэмаўтваральнай сеткі 330 кВ, па якіх можна тэхнічна забяспечваць імпартна-экспартныя аперацыі ў значных аб’ёмах, а таксама рэалізоўваць транзітны патэнцыял Рэспублікі Беларусь. Астатнія лініі электраперадачы служаць для забеспячэння электразабеспячэння прыгранічных энергетычных вузлоў як з боку літоўскай, так і беларускай энергасістэмы.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
