Вы тут

Рэальнасць вачамі беларускіх мастакоў можна будзе ўбачыць на выставе ў Мінску


Выстава беларускіх мастакоў «Рэальнасць» адкрыецца 14 красавіка ў галерэі «Універсітэт культуры», паведамілі БелТА ва ўстанове.


У экспазіцыю ўвойдуць работы, выкананыя ў розных тэхніках: жывапіс, акварэль, графіка. «Творча асэнсоўваючы навакольны свет, аўтары выкарыстоўваюць розныя інструменты, выяўленчыя сродкі. Абапіраючыся на сваё светаўспрыманне і вопыт, ствараюць новую рэальнасць. Работы выкананы ў класічных жанрах пейзаж, партрэт, нацюрморт, але заўсёды ёсць месца для эксперыменту, магчымасць сказаць сваё слова, і тады гэтыя межы не з’яўляюцца перашкодай для творчага самавыяўлення», — адзначылі арганізатары.

«Партрэт — гэта люстэрка, магчымасць убачыць і ацаніць самога сябе збоку, гэта інструмент самапазнання, паглыблення ў свет канкрэтнага чалавека. Па рысах твару мы бачым свет душы, па партрэтах сучаснікаў мяркуем пра эпоху, у якой жывём. На мяжы жанраў узнікаюць і змешваюцца сэнсы. Нацюрморт іншым часам набліжаецца да партрэта, калі прадметы сведчаць пра звычкі і густы ўладальніка, нясуць адбітак яго асобы, гавораць з намі, расказваюць гісторыі. У карціне нараджаецца новы вобраз. Пейзаж — гэта не толькі прыгожы краявід, але і выбар, густ аўтара, ён становіцца партрэтам, калі ў цэнтры ўвагі — жыццё чалавека», — дадалі ў галерэі.

Наведвальнікі на выставе ўбачаць работы дэкана мастацкага факультэта Беларускай дзяржаўнай акадэміі мастацтваў кандыдата мастацтвазнаўства Ганны Конанавай і загадчыцы падрыхтоўчага аддзялення БГАМ, мастака-графіка Лізаветы Пастушэнка, выкладчыкаў Мінскай дзяржаўнай гімназіі-каледжа мастацтваў Алены Карповіч і Наталлі Разуменка, а таксама жывапісца Сяргея Акеньшына.

Куратар выставы — Наталля Разуменка. Азнаёміцца з творчасцю беларускіх мастакоў можна будзе па 30 красавіка.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».