У сувязі з павышэннем сярэднясутачнай тэмпературы паветра авіяцыя МНС павялічыла інтэнсіўнасць палётаў на авіяцыйнае патруляванне лясоў.
Напрыклад, Мазырскае авіяаддзяленне днямі выканала палёты па авіялесаахове на тэрыторыі Гомельскай вобласці, дзе былі выяўленыя тры лясныя пажары на тэрыторыях Мазырскага і Нараўлянскага лясгасаў: у Асавецкім, Вярбовіцкім і Калегоўскім лясніцтвах. Усе яны былі ліквідаваныя.
Як паведамілі ў МНС, авіяпатруляванне вядуць самалёты Ан-2 і верталёты Мі-2 з дэсантна-пажарнымі групамі на борце, якія пры неабходнасці могуць быць дэсанціраваныя каля ачага пажару для яго лакалізацыі і наступнай ліквідацыі. У выпадку выяўлення вялікіх ачагоў пажараў для іх аператыўнай ліквідацыі будуць задзейнічаны верталёты AS-355, Мі-8 і Мі-26 з вадазліўнымі прыладамі ўмяшчальнасцю ад 500 літраў да 15 тон вады.
Аператыўная інфармацыя аб становішчы з пажарамі ў прыродных экасістэмах даступная на сайце МНС і ў мабільным дадатку МНС "Дапамога побач".
Сяргей РАСОЛЬКА
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.