Вы тут

Каліна ў «Лесіным скверы»


Афіцыйнага тапоніма «Сквер Лесі Украінкі» у Мінску яшчэ няма. Але днямі ў сталіцы каля дома № 20 па вуліцы, названай у гонар славутай украінскай паэтэсы, былі высаджаны 15 дэкаратыўных ліп і каліна.


Фота: belarus.mfa.gov.ua

Такая экалагічная творчая акцыя арганізавана Пасольствам Украіны ў Рэспубліцы Беларусь на чале з кіраўніком пасольства Ігарам Кізімам сумесна з прадстаўнікамі ўкраінскай грамады ў Беларусі. Падтрымку ажыццявілі работнікі «Зелянбуда» Цэнтральнага раёна горада Мінска.

Нагодай для нараджэння сімвалічнага «Лесінага сквера» стала 150-годдзе з дня нараджэння паэтэсы. У Беларусі неверагодна шмат адрасоў, звязаных з Вялікім Кабзаром — Тарасам Шаўчэнкам. Пра гэта палтаўскі даследчык Глеб Кудрашоў напісаў адмысловую кнігу, якая зараз рыхтуецца да выдання ў перакладзе на беларускую мову. Цяпер вось дадаюцца новыя адрасы ў гонар памяці вялікай паэтэсы, чыя творчасць добра знаёмая беларускаму чытачу і на роднай мове. Розныя актыўнасці дзеля пашырэння памяці пра Лесю Украінку ладзіць супрацоўнік украінскага пасольства спадар Іван Бышняк. Дзякуючы яго намаганням мерапрыемствы, звязаныя з ушанаваннем жыцця і творчасці паэтэсы, у розны час прайшлі на Міншчыне і Гродзеншчыне.

Сяргей ШЫЧКО

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».