Магіляўчанін абяцаў дапамагчы ў атрыманні правоў і адкасіць ад войска — у выніку знік з грашыма. Пра гэта паведаміла афіцыйны прадстаўнік Ленінскага РАУС Магілёва Алена Сіманава.
У аператыўна-дзяжурную службу Ленінскага РАУС Магілёва з заявай звярнуўся 47-гадовы індывідуальны прадпрымальнік, які распавёў, што нейкі мужчына завалодаў яго грашовымі сродкамі на агульную суму ў Br1500. Апошні паабяцаў даверліваму гаражаніну паспрыяць у атрыманні пасведчання кіроўцы, аднак пасля перастаў выходзіць на сувязь і адказваць на тэлефонныя званкі. Усвядоміўшы, што яго падманулі, грамадзянін звярнуўся ў праваахоўныя органы за дапамогай.
Высветлілася, што ад дзеянняў таго ж мужчыны пацярпеў і 22-гадовы магіляўчанін, якому за суму ў $200 ён абяцаў аказаць дапамогу ў прызнанні непрыдатным да службы ва Узброеных Сілах, аднак таксама знік, атрымаўшы наяўныя.
Датычны 29-гадовы, раней ужо судзімы за махлярства, магіляўчанін зноў узяўся за старое. Ён падманваў даверлівых грамадзян, якія хацелі вырашыць свае пытанні лёгкім шляхам. Ён браў буйныя грашовыя сумы і адразу ж спыняў са сваімі ахвярамі ўсе зносіны: не адказваў на іх званкі, ігнараваў паведамленні ў сацыяльных сетках.
Зараз выкрадзенае ўдалося часткова забраць і вярнуць грамадзянам. У дачыненні да фігуранта распачата крымінальная справа. Следчымі дадзена прававая ацэнка.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
