Новыя самалёты, распрацаваныя ў Расеі, якія цяпер праходзяць лётныя выпрабаванні, будуць перададзеныя Беларусі. Пра гэта расказаў кіраўнік Федэральнага агенцтва паветранага транспарту Расійскай Федэрацыі Аляксандр Нерадзько, паведамляе агенцтва «Мінск-Навіны» са спасылкай на Sputnik Беларусь.
Па словах Нерадзько, нашай краіне плануецца перадаць сярэднемагістральныя МС-21 і Іл-114-300. Таксама разам з імі будуць перададзеныя і рухавікі для МС-21 і ПД-14.
Ён таксама падзяліўся, што ў Расеі займаюцца распрацоўкай новага шматмэтавага самалёта, які заменіць усім вядомы «кукурузнік» — Ан-2. Серыйную вытворчасць яго павінна пачацца да 2023 годзе.
— Планы па авіябудаванні досыць шырокія, разлічваем, што гэтая авіяцыйная тэхніка будзе прымяняцца і ў Беларусі, — сказаў кіраўнік Федэральнага агенцтва паветранага транспарту.
У сваю чаргу дырэктар Дэпартамента па авіяцыі Беларусі Арцём Сікорскі заявіў, што Рэспубліка працягвае эксплуатаваць ваенны Іл-76 і пасажырскія Іл-62 і Іл-103 расійскай вытворчасці.
Таксама ён адзначыў, што «цікавасць да расійскай тэхнікі» ў Беларусі «вельмі высокая».
— Сярод беларускіх грузавых перавозчыкаў найбольш запатрабаваныя тыя машыны, якія цяпер праходзяць лётныя выпрабаванні — гэта самалёты Іл-114 для экспрэс-перавозак, Іл-112 як замена Ан-26. І мы ў далейшым зацікаўлены ў мадэрнізацыі самалёта Іл-76 пад новыя рухавікі, — падкрэсліў Сікорскі.
Адзначым, што 16 красавіка ў Цэнтры кіравання паветраным рухам пад Мінскам беларускі Дэпартамент па авіяцыі і Федэральнае агенцтва паветранага транспарту Расійскай Федэрацыі падпісалі дамоўленасць па пытаннях лётнай прыдатнасці. Гэта значыць, што расейская авіяцыйная тэхніка будзе і далей эксплуатавацца і абслугоўвацца на тэрыторыі Беларусі.
Прэв’ю: МН
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
