Спецыяльныя кантэйнеры для збору пратэрмінаваных лекавых сродкаў ад насельніцтва ўстаноўлены ўжо ў 16 паліклініках Мінска, паведамілі ў тэлеграм-канале Міністэрства аховы здароўя.
У мінскіх паліклініках №1, 3, 8, 9, 13, 15, 17, 19, 22, 23, 30, 31, 33, 34, 37,40 (у адпаведнасці з рашэннем Мінскага гарадскога Савета дэпутатаў) з красавіка гэтага года выдзелены месца і ўстаноўлены спецыяльныя кантэйнеры для збору пратэрмінаваных лекавых прэпаратаў.
Кіраўнікі паліклінік ужо заключылі дамовы на абслугоўванне дадзеных кантэйнераў.
Зборам, выдаленнем і абясшкоджваннем будзе займацца адмыслова абраная кампанія. Лекавыя адходы з'яўляюцца бяспечнымі альбо ставяцца да трэцяга або чацвёртага класа небяспекі ў залежнасці ад вiду адходаў. Іх пахаванне магчыма толькі на палігонах ТКА пры ўмове іх колькасці не больш за 15% у складзе адходаў. Выключэнне складаюць лекі для хіміятэрапіі, якія прымяняюцца пры лячэнні анкалагічных захворванняў, якія адносяцца да больш высокага класа небяспекі.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.