Дзевяць тысяч літраў трансмісійнага масла коштам амаль 150 тысяч рублёў мелі намер правезці праз мытную мяжу ЕАЭС без дэкларавання. Пра гэта паведамілі «Звяздзе» ў Віцебскай мытні.
Спробу кантрабанды спынілі віцебскія мытнікі на беларуска-латвійскай мяжы ў пункце пропуску «Грыгораўшчына». Везлі тавар у грузавіку DAF.
Аўто ехала з Фінляндыі з таварам «аўтамабільныя масла, аўтамабільныя змазкі, антыфрызы». Пры праходжанні вагагабарытнага кантролю мытнікі ўстанавілі істотнае перавышэнне фактычнай вагі грузу ў параўнанні з паказанай у дакументах.
Далейшы мытны дагляд пацвердзіў наяўнасць у грузавым адсеку незадэклараванага: 325 каністраў па 20 літраў і 16 бочак па 170 літраў трансмісійнага масла — у агульнай складанасці 9 тысяч літраў.
Па дадзеным факце пачаты адміністрацыйны працэс. Санкцыя артыкула ў якасці пакарання прадугледжвае накладанне штрафу на перавозчыка ў памеры да 30 % ад кошту прадмета адміністрацыйнага правапарушэння.
Аляксандр ПУКШАНСКІ
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.