Верталёт МНС Мі-8 з медыцынскім модулем на борце, даставіў дзіця з Мсціслаўскай цэнтральнай раённай бальніцы ў Рэспубліканскі апёкавы цэнтр у БХМД, паведамілі ў тэлеграм-канале Міністэрства аховы здароўя.
Падлетак 2004 года нараджэння атрымаў электратраўмы. Пры першасным аглядзе ў яго былі дыягнаставаны апёкі рознай ступені цяжкасці — да 70 працэнтаў.
Суправаджаюць пацыента супрацоўнікі хуткай медыцынскай дапамогі Мінска. Улічваючы цяжар пашкоджанняў, прынята рашэнне аб працягу лячэння падлетка на рэспубліканскім узроўні.
Міністэрства аховы здароўя і МНС выкарыстоўваюць для транспарціроўкі верталётны медыцынскі модуль з 2017 года. Модуль які прызначаны для аказання кваліфікаванай медыцынскай дапамогі пацярпелым як на месцы НС, так і на борце паветранага судна па шляху руху ў лячэбную ўстанову. Ён абсталяваны апаратамі штучнай вентыляцыі лёгкіх, сістэмай маніторынгу і дэфібрыляцыі, партатыўным шасціканальным электракардыёграфам, а таксама камплектамі для імабілізацыі пацярпелых.
У Следчым камітэце паведамілі, што па факце атрымання падлеткам электратраўмы праводзіцца праверка.
Па дадзеных следства, днём 22 красавіка 16-гадовы хлопец рыбачыў на беразе вадаёма недалёка ад вёскі Гутараўшчына Мсціслаўскага раёна. Пры перамяшчэнні ўздоўж берага падлетак зачапіў вудай высакавольтны кабель, у выніку чаго атрымаў электратраўмы. Ад электрычнага разраду на ім загарэлася адзенне.Рыбакі, якія знаходзіліся паблізу, аказалі дапамогу і выклікалі медыкаў. З апёкамі больш за 70% цела юнак быў шпіталізаваны», — распавялі ў СК.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
