Фірмовы цягнік «Ластаўка» адправіўся з Мінска ў Маскву са 100 %-най запаўняльнасцю. Такім чынам сёння стартаваў новы сумесны праект ААТ «РЖД» і Беларускай чыгункі па арганізацыі дзённых хуткасных пасажырскіх зносін паміж сталіцамі Беларусі і Расіі. Рэгулярны рух цягнікоў адкрылі міністр транспарту Аляксей Аўраменка, начальнік Беларускай чыгункі Уладзімір Марозаў. У Маскве па тэлемосце адпраўленне першага цягніка віталі дзяржсакратар Саюзнай дзяржавы Дзмітрый Мезенцаў і міністр транспарту Расіі Віталь Савельеў.
У штодзённыя зносіны цяпер назначаны дзве пары новых хуткасных міжнародных цягнікоў нумар 717/722 і нумар 721/718 Масква — Мінск — Масква фарміравання ААТ «РЖД». Яны адпраўляюцца адначасова з пачатковых станцый у 6:20 і 16:00. Час у дарозе складае менш за 7 гадзін.
Маршрут абслугоўваецца саставамі «Ластаўка» ў камплектацыі «Прэміум» у пяцівагонным выкананні. Пасажырам прапанаваны тры класы абслугоўвання з розным узроўнем камфорту і абслугоўвання. Прыемна адзначыць, што візуальнае і гукавое суправаджэнне аформлена ў тым ліку на беларускай мове.
Кошт праезду па поўным маршруце на месцах бізнес-класа складае 136,14 рублёў, у эканамічным класе — 50,21 рублёў, у базавым — 49,38 рублёў.
На дадзеным этапе «палёт» на «Ластаўцы» дазволены толькі грамадзянам Беларусі і Расіі.
Перавозчыкі перад паездках у міждзяржаўных зносінах таксама нагадваюць пра неабходныя мерапрыемствы, прадугледжаныя барацьбой з каранавіруснай інфекцыяй. Так, беларусам для ўезду ў Расію трэба мець на руках свежы адмоўны ПЛР-тэст.
Дзмітрый СУГАНЯЕЎ
Фота аўтара
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
