Твор мастацтва можна будзе набыць за крыптавалюту, паведамляе ТАСС.
Ацэначны кошт карціны Бэнксі «Любоў лунае ў паветры» складае ад $ 3 млн да $ 5 млн. Пераможца можа аплаціць пакупку крыптавалютай Bitcoin або Ethereum.
— З'яўляючыся адным з найбольш вядомых і правакацыйных мастакоў XXI стагоддзя, чые вулічныя і студыйныя працы нязменна пашыраюць межы і выклікаюць спрэчкі па ўсім свеце з-за ўнікальнага погляду на палітычныя і сацыяльныя праблемы, Бэнкс падрывае асновы свету мастацтва, — адзначаюць арганізатары.
Карціна ўяўляе сабой палатно памерам 90 на 90 см, падпісанае самім аўтарам. На палатне алейнымі фарбамі намаляваны ўдзельнік акцыі пратэсту, які кідае букет кветак. Паводле апісання на сайце Sotheby's, палатно «нагадвае аб несправядлівасці і няроўнасці», а таксама «пасылае сігнал надзеі».
— Несумненна, гэтая адважная і дэкларатыўная праца дапамагла Бэнксі заняць месца ў гісторыі мастацтва, замацаваўшы за ім рэпутацыю творцы, гатовага адкрыта і голасна пазначаць сваю пазіцыю, — адзначаюць арганізатары.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
