Удзень у МНС ад дзяжурнага РАУС паступіла паведамленне пра падзенне чалавека ў калодзеж па вуліцы Цітова ў Чашніках.
Да месца выкліку былі неадкладна накіраваны падраздзяленні пажарнай аварыйна-выратавальнай часці № 1 Чашніцкага раённага аддзела па надзвычайных сітуацыях.
Як паведамляе МНС, да іх прыезду мясцовыя жыхары апусцілі ў калодзеж драўляную лесвіцу, каб дзядуля хоць крыху мог за яе трымацца. Ратавальнікі знялі крышку з калодзежа, глыбіня якога была даволі вялікая: каля васьмі метраў, напалову ён быў запоўнены вадой.
Далей ратавальнікі апусцілі лесвіцу-штурмоўку ўнутр калодзежа. Адзін з супрацоўнікаў МНС, падключыўшыся да апарата на сціснутым паветры і надзеўшы пояс ратавальніка, замацаваў на ім вяроўку і спусціўся ўніз да мужчыны. Унізе ад пераахаладжэння пенсіянер 1928 года нараджэння ўжо не мог гаварыць. Супрацоўнік МНС абвязаў яго поясам, а яго таварышы выцягнулі дзядулю на паверхню зямлі.
Выратаваны быў перададзены брыгадзе хуткай медыцынскай дапамогі і пасля агляду спецыялістамі шпіталізаваны ў бальніцу з агульным дыягназам «пераахаладжэнне».
Сяргей РАСОЛЬКА
Канцэрт для дзяцей і моладзі, пластычны спектакль Ягора Дружыніна і «Рок-панарама».