Сваю баявую падрыхтоўку дэманстравалі восем каманд, сфарміраваных з першакурснікаў інстытута, выхаванцаў Магілёўскага праваслаўнага ваенна-патрыятычнага клуба «Перасвет», абласнога кадэцкага вучылішча і патрыятычных класаў дзіцячага сада-сярэдняй школы № 12.
— Мы ўпершыню правялі такое свята, але вельмі спадзяемся, што яно стане добрай традыцыяй, — адзначыла загадчыца інстытуцкага клуба Любоў Шаранкова. — Дзякуючы яму, навучэнцы не толькі дэманструюць свае спартыўныя і іншыя ўменні, але і знаёмяцца з жыццём курсантаў і інстытута.
Удзельнікі прадэманстравалі свае здольнасці ў перацягванні каната, пераадольванні паласы перашкод, зборцы і разборцы аўтамата Калашнікава. Журы таксама ацаніла іх спартыўную падрыхтоўку, уменне аказваць першую медыцынскую дапамогу і веданне гісторыі Вялікай Айчыннай вайны. Дарэчы, журы прадстаўлялі вопытныя ветэраны органаў унутраных спраў і актывісты БРСМ.
Па баявой і спартыўнай падрыхтоўцы роўных курсантам інстытута не было. А вось каманда праваслаўнага ваенна-патрыятычнага клуба «Перасвет» прадэманстравала яшчэ і добрае веданне гісторыі. Яна і стала пераможцам свята.
Арганізатарамі мерапрыемства выступілі Магілёўскі інстытут МУС, Магілёўскі гарвыканкам і Магілёўскі гаркам БРСМ.
Нэлі ЗІГУЛЯ
Фота Марыны ГРАМЫКА
Мерапрыемства праводзілася на добраахвотнай аснове.
Не выявіць ні секунды абыякавасці.
