Вы тут

Абласны фестываль-свята побытавых танцаў «Танцуем па-даўнейшаму» пройдзе 22 мая


Абласны фестываль-свята побытавых танцаў «Танцуем па-даўнейшаму» пройдзе 22 мая ў аграгарадку Дзітва Лідскага раёна. Аматары беларускага традыцыйнага харэаграфічнага мастацтва з усёй Гродзенскай вобласці з'едуцца ў філіял «Дзітвянскі Дом культуры» Лідскага раённага цэнтра культуры і народнай творчасці, каб прадэманстраваць найлепшыя ўзоры беларускіх народных парных танцаў у чатырох узроставых катэгорыях ад 7 да 50 і больш гадоў з захаваннем адметнага мясцовага выканальніцкага стылю.


gromc.by

Фестываль «Танцуем па-даўнейшаму» — унікальны творчы праект, накіраваны на адраджэнне і захаванне мясцовых традыцый танцавальнай культуры, далучэнне дзяцей і моладзі да аўтэнтычнага фальклору.

Падчас свята сваім майстэрствам падзеляцца выканаўцы традыцыйных кадрыляў Гродзеншчыны, уключаных у Дзяржаўны спіс гісторыка-культурных каштоўнасцяў Беларусі.

На каларытным танцавальным мерапрыемстве выступяць найлепшыя фальклорныя калектывы Гродзеншчыны. А кожны жадаючы зможа праверыць свае здольнасці на майстар-класе па побытавых танцах, а таксама адчуць моц яднання падчас флэшмобу «Танцуем разам».

Дэфіле ў народных строях «Мода з куфра» пакажа, як апраналіся нашы продкі ў рэгіёнах Гродзенскай вобласці, і раскажа пра глыбінныя сэнсы, якія нясе ў сабе кожны з элементаў убору.

Акрамя танцаў і добрага настрою, госці змогуць набыць на памяць падарункі і сувеніры на шыкоўнай выстаўцы вырабаў майстроў народнай творчасці. Пачатак а 13-й гадзіне.

Ірына СІДАРОК

Загаловак у газеце: Кадрыля і дэфіле ў народных строях

Выбар рэдакцыі

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.