Форум народнай дыпламатыі Шанхайскай арганізацыі супрацоўніцтва (ШАС) праходзіць у горадзе Ухань, што ў правінцыі Хубэй (цэнтральны Кітай). Карэспандэнт «Звязды» прымае ўдзел у маштабным мерапрыемстве.
Падчас форуму прайшлі шэраг панэльных сесій. На адной з іх было разгледжана ўмацаванне ўзаемадзеяння паміж гарадамі-пабрацімамі. Паводле інфармацыі старшыні Кітайскай народнай асацыяцыі сяброўства з замежнымі краінамі Лінь Сунцяня, у гарадоў Паднябеснай заключаны больш чым 2,8 тысячы дамоў з пабрацімамі звыш 130 краін пяці кантынентаў. Шанхайская арганізацыя супрацоўніцтва у гэтым плане — надзейная платформа для ўзаемадзеяння. Як лічыць намеснік генеральнага сакратара ШАС Чжан Хайчжоў, сярод галоўных задач — падтрыманне рэгіянальнай бяпекі і садзейнічанне агульнаму развіццю.
Уханьскі форум ужо мае канкрэтныя вынікі. У прыватнасці, на палях мерапрыемства была падпісана дамова аб супрацоўніцтве паміж Савецкім раёнам беларускай сталіцы і раёнам Чанін Шанхая. Як адзначыў кіраўнік адміністрацыі Савецкага раёна г. Мінска Сяргей Хільман, кантакты паміж тэрыторыямі развіваюцца ўжо з 1990-х і зараз здзейснены заўважны крок наперад, які дазволіць актывізаваць узаемадзеянне ў шэрагу важных кірункаў.
Мікалай ЛIТВIНАЎ
Прэв'ю: tass.ru
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!