Вы тут

На перон станцыі Мінск-Пасажырскі прыбыў «Цягнік Перамогі»


З самага ранку на станцыі Мінск-Пасажырскі было надзвычай шматлюдна. І гэта не звязана з пачаткам лета і дачным сезонам. На вакзале сустракалі незвычайны састаў... На перон прыбыў «Цягнік Перамогі».


Фота: БелТА

Гэта інтэрактыўная экспазіцыя, якая пераносіць наведвальнікаў у падзеі Вялікай Айчыннай вайны. У дзевяці вагонах (а ўсяго іх 12)
расказваецца аб подзвігу абаронцаў Брэсцкай крэпасці, аб жыцці ў акупацыі, трансліруецца гераічная барацьба на франтах, у падполлі і партызанскіх зонах, доўгачаканая Перамога!

— Наш святы абавязак — захаваць гістарычную праўду, памяць аб Перамозе над нацызмам і перадаць яе будучым пакаленням, — адзначыў намеснік кіраўніка Адміністрацыі Прэзідэнта Ігар ЛУЦКІ. — Супраць Беларусі і Расіі ідуць інфармацыйныя войны і атакі, якія не спыняюцца. Нашым людзям, асабліва моладзі, спрабуюць навязаць наскрозь фальшывыя гістарычныя наратывы, калі Савецкі Саюз нароўні з фашысцкай Германіяй абвінавачваюць у развязванні Другой сусветнай вайны, калі савецкія сімвалы прыраўноўваюцца да нацысцкіх, а людзям забараняюць святое для іх свята пад сцягам Вялікай Перамогі. Яны хочуць, каб мы, нашчадкі герояў-пераможцаў, апраўдваліся за сваіх дзедаў і прадзедаў, якія цаной уласнага жыцця выратавалі жыццё ўсяму чалавецтву. Мы прынялі гэты выклік, мы адстаім праўду, адстаім наша права на памяць аб подзвігу, наша права на суверэннае развіццё сёння і ў будучыні.

Над гісторыка-асветніцкім праектам «Цягнік Перамогі» працавала вялікая каманда прафесіяналаў. Менавіта дзякуючы іх намаганням, трапіўшы ў цягнік, быццам сам з'яўляешся калі не ўдзельнікам, то сведкай тых гераічных, а разам з тым трагічных падзей. У цягніку можна не толькі дакрануцца да прадметаў, але і пачуць аўдыяаповед. Медыяэкраны, трохмерныя панарамы, поўнамаштабныя фігуры герояў, незвычайныя лакацыі, спецэфекты, датчыкі прысутнасці, панарамы баёў віртуальнай рэальнасці — сучасныя тэхналогіі дазваляюць пазнаёміцца з многімі эпізодамі Вялікай Айчыннай вайны.

Састаў пройдзе па многіх рэгіёнах нашай краіны. 80-ю гадавіну пачатку Вялікай Айчыннай вайны сустрэне ў Брэсцкай крэпасці-героі, якая адной з першых прыняла ўдар гітлераўцаў. Завяршыцца маршрут 27—28 чэрвеня ў Магілёве — у дзень вызвалення горада ад нямецка-фашысцкіх захопнікаў.

Вераніка КАНЮТА

Загаловак у газеце: Святы абавязак — захаваць праўду

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.