У Касцюковіцкім доме рамёстваў працуюць два разьбяры па дрэве, якія любяць выразаць і жывёл, і лыжкі. Адзін з іх на гэтым здымку — шасцідзесяцігадовы Сяргей Благушка. Былы заатэхнік, ён па стане здароўя не можа цяпер працаваць па спецыяльнасці, але, дзякуючы лёсу (спадзяюся, шчасліваму), стаў знакамітым у галіне народнага мастацтва. Сяргей захапіўся разьбой драўляных лыжак для гаспадынь, свае вырабы аздабляў геаметрычнай вытанчанай разьбой, таму яго заўважылі і запрасілі ў Дом рамёстваў. Менавіта тут напоўніцу майстар стаў адкрываць свой творчы патэнцыял і самабытнасць — выразаць складаныя фігуры дзікіх жывёл, якія на святочных кірмашах і фестывалях заўсёды прываблівалі гледачоў. За дваццаць гадоў Сяргей Аляксеевіч стаў карыфеем разьбярства Магілёўшчыны і па-ранейшаму працуе ў стылі інсітнага мастацтва.
Анатоль КЛЯШЧУК
Фота аўтара
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
