Вы тут

Хадж зробяць 60 тыс. прышчэпленых ад каранавіруса паломнікаў


Улады Саудаўскай Аравіі дазволяць 60 тыс. падданым і рэзідэнтам краіны, якія зрабілі прышчэпку супраць новага каранавіруса, здзейсніць у бягучым годзе хадж. Пра гэта гаворыцца ў распаўсюджанай у суботу заяве міністэрства па справах хаджу і ўмры каралеўства, перадае ТАСС.


«Увесь свет становіцца сведкам развіцця пандэміі каранавіруса і з’яўлення яго новых мутацый, <...> прынята рашэнне абмежаваць рамкі правядзення рытуалаў хаджу ў 1442 годзе ў Хіджры (пачаўся 20 жніўня 2020 і будзе доўжыцца да 9 жніўня 2021 года ў грыгарыянскаму календару). Агульная колькасць паломнікаў — падданых і рэзідэнтаў краіны любой нацыянальнасці — будзе складаць 60 тыс», — прыводзіць вытрымкі з паведамлення ведамства Саудаўскае агенцтва друку.

Акрамя гэтага, у хадж змогуць адправіцца толькі асобы ад 18 да 65 гадоў, якія зрабілі прышчэпку ад каранавіруса ў адпаведнасці з патрабаваннямі каралеўства. 

Звычайна на хадж збіраюцца некалькі мільёнаў мусульман. За апошнія 10 гадоў, па дадзеных уладаў каралеўства, яго здзейснілі каля 150 млн чалавек. У мінулым годзе з-за пандэміі каранавіруса падарожжа ў Меку падчас хаджу ўпершыню ў сучаснай гісторыі было дазволена здзейсніць усяго тысячы паломнікаў, прытым толькі падданым Саудаўскай Аравіі.

У гэтым годзе вялікі хадж да святыняў ісламу, у якім зноў дазволена прымаць удзел замежнікам, выпадае на 17-22 ліпеня. Малы хадж (умру) можна зрабіць у любы час года.

Прэв’ю — pixabay.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».