Навучэнка 11 класа Бараўлянскай сярэдняй школы Мінскага раёна Кацярына Мамаева стала ўладальнікам залатога медалю на прэстыжным Міжнародным конкурсе навуковых праектаў навучэнцаў INTOC-2021 у Турцыі.
Дзяўчына навучалася ў аб’яднанні «Генетыка і селекцыя» Рэспубліканскага цэнтра экалогіі і краязнаўства пад кіраўніцтвам загадчыка лабараторыі Івана Рускіх. На конкурсе яна прадставіла даследчую працу «Вывучэнне азотфіксуючых эндафітных бактэрый для стымуляцыі росту раслін».
Міжнародны конкурс навуковых праектаў навучэнцаў INTOC праводзіўся ўпершыню. Ён аб’яднаў больш за 300 удзельнікаў з 21 краіны свету, якія прадстаўлялі свае праекты па фізіцы, інжынерыі, матэматыцы, прыкладных навуках аб жыцці, навуках аб навакольным асяроддзі і сацыяльных навуках.
Між іншым, гэта другі залаты медаль дзяўчыны на працягу сёлетняга навучальнага года. Раней Кацярына ўвайшла ў лік пераможцаў міжнароднага конкурсу экалагічных праектаў «International Science and Invention Fair 2020» у Інданезіі.
Надзея НІКАЛАЕВА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
