На аўкцыёне за базавую велічыню купілі помнік архітэктуры XIX стагоддзя, графскую канюшню, якая знаходзіцца ў вёсцы Залессе Глыбоцкага раёна. Пра гэта паведамілі ў камітэце «Віцебскаблмаёмасць».
Будынак плошчай 333 квадратныя метры мае статус гісторыка-культурнай каштоўнасці і размешчаны на тэрыторыі былога сядзібнага комплексу графа Моле. Да нядаўняга часу ён выкарыстоўваўся па непасрэдным прызначэнні мясцовым сельгаспрадпрыемствам, а пазней быў перададзены раённаму прадпрыемству ЖКГ.
Разам з будынкам пакупніку прадастаўляецца зямельны ўчастак плошчай два гектары. Набыты аб’ект плануецца выкарыстоўваць пад жыллё. Па ўмовах продажу пакупнік павінен правесці рэканструкцыю на працягу 24 месяцаў з моманту заключэння дагавора куплі-продажу.
Побач знаходзіцца падмурак сядзібнага дома, разбуранага ў 80-я гады мінулага стагоддзя.
Нароўні з гісторыка-культурнай значнасцю дадатковую турыстычную прывабнасць будынку надае месца яго размяшчэння: паміж двух азёр Белае і Мурамшчына — у непасрэднай блізкасці ад графскага парку плошчай каля восем гектараў, у якім захаваліся рэдкія віды раслін.
Аляксандр ПУКШАНСКІ
Прэв’ю — pixabay.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
