Беларускі рэспубліканскі саюз моладзі 18 чэрвеня дае старт абласным турам рэспубліканскага сямейнага сельскагаспадарчага праекта «Уладар вёскі — 2021».
Зараз у самым разгары раённыя этапы ўпадабанага ў сельскай мясцовасці маладзёжнага праекта. Па меры іх заканчэння ў кожнай вобласці запланаваны маштабныя мерапрыемствы «Уладара вёскі», на якіх у творчых, спартыўных і сельскагаспадарчых конкурсах за права прадстаўляць тую ці іншую вобласць у рэспубліканскім фінале па-сапраўднаму змагаюцца лепшыя маладыя сем’і рэгіёнаў. Так, ужо 18 чэрвеня стануць вядомыя пераможцы ў Віцебскай і Магілёўскай абласцях.
23 чэрвеня абласную конкурсную эстафету праекта прымаюць Гродзенская і Мінская вобласці, 25 — Гомельская, 26 — Брэсцкая. Фінішуе праект 9 і 10 ліпеня ў аграгарадку Александрыя Шклоўскага раёна ў рамках афіцыйнай праграмы рэспубліканскага свята «Купалле» («Александрыя збірае сяброў»), дзе за тытул «Уладар вёскі — 202» будуць змагацца шэсць сем’яў — пераможцы абласных тураў.
Арганізатарамі конкурсу выступаюць Беларускі рэспубліканскі саюз моладзі, Міністэрства адукацыі, Міністэрства сельскай гаспадаркі і харчавання, Магілёўскі абласны выканаўчы камітэт пры падтрымцы ААТ «Белаграпрамбанк».
Сяргей РАСОЛЬКА
Канцэрт для дзяцей і моладзі, пластычны спектакль Ягора Дружыніна і «Рок-панарама».