Вы тут

Гродзенскай вобласцю падпісана пагадненне аб супрацоўніцтве з Рэспублікай Башкартастан і Томскай вобласцю


Гродзенскай вобласцю ў рамках VІІІ Форуму рэгіёнаў Беларусі і Расіі падпісана пагадненне аб супрацоўніцтве з Рэспублікай Башкартастан і Томскай вобласцю. Мяркуецца пашырэнне кантактаў ва ўсіх галінах эканомікі, навукі, культуры. Галоўным напрамкам стане работа па прыцягненні інвестыцый у энэргетычнай, хімічнай галінах, сферы АПК.


Ад імя Гродзенскай вобласці дакумент падпісаў старшыня Гродзенскага аблвыканкама Уладзімір Каранік. Нагадаем, што мерапрыемства праходзіць у фармаце відэаканферэнцыі з-за пандэміі каранавіруснай інфекцыі. Дакументы падпісаны расійскімі партнёрамі і перададзены ў Гродзенскую вобласць па дыпламатычных каналах.

Кіраўнік беларускага рэгіёна адзначыў, што Гродзеншчына мае 25 пагадненняў аб супрацоўніцтве з Расійскай Федэрацыяй. У Расію экспартуецца звыш паловы яе прадукцыі. Значная колькасць кантрактаў была заключана менавіта падчас правядзення форумаў. Так, сума кантрактаў з прамысловымі прадпрыемствамі Расійскай Федэрацыі складае больш за 12 млрд расійскіх рублёў.

Гродзеншчына і надалей плануе развіваць гэты напрамак і пашыраць геаграфію паставак. Разам з тым новым прыярытэтам з'яўляецца навукова-тэхнічнае ўзаемадзеянне. Гэта сумесныя праекты і распрацоўкі, якія прызваны павысіць канкурэнтаздольнасць кампаній на знешніх рынках.

Па словах Уладзіміра Караніка, сёлетні форум асаблівы, бо цяпер многія фактары супрацоўніцтва праходзяць праз выпрабаванне пандэміяй. Інфекцыю СOVІD-19 нельга не ўлічваць, і краіны павінны быць гатовыя да знешніх шокаў і ствараць эканоміку, якая будзе ўстойлівая да такіх выклікаў.

Яшчэ адна актуальная тэма форуму — лічбавая эканоміка. Варта аб'яднаць намаганні для абмену сумеснымі напрацоўкамі, лічыць Уладзімір Каранік. У такім рэчышчы працуюць многія краіны, таму і канкурэнцыя тут вельмі жорсткая.

— Мы назіраем зацікаўленасць у супрацоўніцтве з Расійскай Федэрацыяй, — падкрэсліў кіраўнік рэгіёна. — Беларуская харчовая прадукцыя ўжо даўно карыстаецца попытам у расіян. Штогод ідзе нарошчванне паставак, і мы канстатуем, што рынак краіны-суседкі з задавальненнем гатовы прыняць дадатковы аб'ём гродзенскіх вытворцаў.

Маргарыта УШКЕВІЧ

Іншыя навіны з Форуму рэгіёнаў — у спецвыпуску «Мясцовага самакіравання» ў нумары «Звязды».

Прэв’ю: pixabay.com

Загаловак у газеце: Максімальна празрыста і эфектыўна

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.