Вы тут

Маладзёжны парламентарызм: перспектыўныя прапановы для абодвух бакоў


У рамках VІІІ Форуму рэгіёнаў Беларусі і Расіі ў Мінску і Маскве ў фармаце відэаканферэнцыі прайшло сумеснае пасяджэнне кіруючых органаў Маладзёжнага парламента пры Нацыянальным сходзе Рэспублікі Беларусь і Палаты маладых заканадаўцаў пры Савеце Федэрацыі Федэральнага сходу Расіі. У ходзе яго ўдзельнікі вызначылі перспектыўныя кірункі для сумеснага развіцця, механізмы развіцця маладзёжнага прадпрымальніцтва, узаемадзеянне рэгіянальных органаў маладзёжнага парламентарызму, а таксама падпісалі пагадненне аб супрацоўніцтве.


Фота: БелТА

Старшыня Маладзёжнага парламента пры Нацыянальным сходзе Рэспублікі Беларусь Ягор МАКАРЭВІЧ адзначыў, што сёння дадзены гэты дыялог шмат у чым можа быць карысны нашым рэгіёнам і тым, хто сёння з'яўляецца прадстаўнікамі органаў маладзёжнага парламентарызму, дзеючымі дэпутатамі розных узроўняў.

— Маладзёжнае парламецкае ўзаемадзеянне Беларусі і Расіі выбудоўваецца ўжо на працягу сямі гадоў, у тым ліку на ўзроўні рэгіёнаў. Вельмі важна, каб рэгіянальны дыялог заставаўся ключавым складальнікам нашай работы. Нядаўна, напрыклад, сустракаліся з калегамі з Тамбова, Калінінграда. Гэтую практыку будзем працягваць. Тым больш што ў нас агульныя каштоўнасці, на якіх трымаюцца беларускі і расійскі народы: патрыятызм, гераічнае мінулае. І, вядома, гэта будучыня, якая аб'ядноўвае нас. Мы выдатна разумеем, што ва ўмовах тых глабальных выклікаў і пагроз, якія існуюць сёння, толькі з'яднаўшыся і рухаючыся наперад, зможам захаваць нашы каштоўнасці.

Беларуска-расійскае ўзаемадзеянне маладых заканадаўцаў вядзецца не толькі па лініі маладзёжнага парламентарызму, але і выбудоўваецца паміж маладзёжнымі грамадскімі арганізацыямі дзвюх краін: «Не першы год функцыянуе Беларуска-Расійскі саюз моладзі, які нацэлены на інтэграцыйны рух. А таксама Маладзёжная палата, якая працуе пры Парламенцкім сходзе Саюза Беларусі і Расіі. Усё гэта добрыя каналы камунікацыі нашай моладзі. Упэўнены, што такіх мерапрыемстваў і кантактаў мала быць не можа», — нагадаў Ягор Макарэвіч

Падводзячы вынікі сумеснага пасяджэння, ён расказаў пра дасягненне пагаднення аб супрацоўніцтве і ўзаемадзеянні паміж маладымі парламентарыямі дзвюх краін.

— Яно прадугледжвае супрацоўніцтва ў інфармацыйнай сферы, стварэнне агульнай інфармацыйнай прасторы. Вельмі добрая прапанова прагучала адносна работы ў блогасферы, з лідарамі меркаванняў. Важна, каб гэтая работа праводзілася ў Беларусі і Расіі вельмі эфектыўна, — яна прадугледжвае стварэнне экспертнага цэнтра. Калегі з Расійскай Федэрацыі падтрымалі нашу прапанову, каб у наступным годзе ў рамках Форуму рэгіёнаў мы правялі беларуска-расійскі маладзёжны эканамічны форум. У нас вялікая колькасць маладых прадпрымальнікаў, а таксама тых, хто з'яўляецца маладымі кіраўнікамі ў дзяржаўных і прыватных арганізацыях у Беларусі і Расіі. Важна, каб і на ўзроўні моладзі эканамічныя кааперацыйныя сувязі выстройваліся. Сёння голас моладзі павінен быць пачуты і ў міжнародных арганізацыях, у тым ліку па грамадска-палітычнай абстаноўцы. Таму плануем, што пагадненне будзе максімальна прадукцыйнае, мы з калегамі настроены на работу. Усё тое, што мы намецілі, максімальна арыентавана на кожнага маладога чалавека як у Беларусі, так і ў Расіі. Усе астатнія прапановы, якія прагучалі на пасяджэнні маладых парламентарыяў дзвюх краін, будуць дэталёва вывучаны і прааналізаваны. У далейшым мы прапрацуем па іх дарожную карту. Расія — стратэгічны партнёр, і нам вельмі важна, каб усе нашы сумесныя ініцыятывы атрымалі практычнае развіццё.

Дар'я ШЛАПАКОВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.