Вы тут

Як дызайн тары ўплывае на стварэнне трэндаў і продаж


Цюбік — ідэальны варыянт упакоўкі для шматлікай прадукцыі: харчовай, бытавой «хіміі», лекаў, касметыкі, антысептычных сродкаў. Такая тара зручная ў выкарыстанні дома, на рабоце і ў дарозе, рэчыва з яго можна ўжыць да апошняй кроплі, а прадукт — доўга захоўваецца. Апошнім часам да цюбікаў стала яшчэ больш патрабаванняў — яны павінны быць не толькі зручныя, але і экалагічныя, а таксама прыдатныя для перапрацоўкі. Пра эвалюцыю тубнай упакоўкі расказала спецыяліст.


Тара — адна, спосабаў выкарыстання — шмат

Эксперты лічаць, што першыя цюбікі з'явіліся яшчэ ў 1892 годзе. З тых часоў іх канструкцыя амаль не мянялася, аднак мадыфікаваліся матэрыялы, тэхналогіі і дызайнерскі выгляд гэтай упакоўкі.

— У Беларусі цюбікі распаўсюдзіліся толькі ў 90-я гады мінулага стагоддзя. Перш за ўсё іх ў краіне рабілі для касметыкі, бо тут было шмат прадпрыемстваў, якія яе выпускалі, і на падобную тару быў попыт, — згадала Алена ІВАШЧУК, намеснік дырэктара па маркетынгу і развіцці кампаніі «ЛеанГруп». — З развіццём тэхналогій цюбікі сталі выкарыстоўваць не толькі для касметыкі і зубной пасты, але і для прадуктаў харчавання. А таксама лекаў і бытавой хіміі.

Спосабаў выкарыстання цюбікаў з часам становіцца ўсё больш. Разнастайныя крэмы, вадкае мыла, сродкі па доглядзе скуры, зубная паста, шампунь... Пералічваць прадукцыю ў тубнай упакоўцы можна бясконца. Год таму праз пандэмію рынак напоўніўся антысептычнымі сродкамі ў цюбіках. Запатрабаваны пакупнікамі прадукт, па жаданні чалавека, таксама можа быць расфасаваны ў тубную тару.

Мінімалістычны дызайн і някідкія колеры

Сучасны цюбік — самадастатковая і шматфункцыянальная ўпакоўка, якая засцерагае прадукт, аблягчае яго выкарыстанне і нават «прадае». Таму дызайн тары пакрысе выходзіць на лідзіруючае месца пры вырабе ўпакоўкі, заўважыла спецыяліст:

— Першае ўражанне ад прадукцыі на паліцах крамаў пакупнік атрымлівае ад упакоўкі, бо ў першую чаргу чалавек арыентуецца на зрокавае ўспрыманне рэчаў. Вытворцы стараюцца прыцягнуць увагу да свайго тавару эфектнымі стылістычнымі рашэннямі «вокладкі» прадукцыі. Раней на цюбіках было больш графічных элементаў — нейкіх карцінак, твараў людзей. Цяпер дызайн тубнай упакоўкі становіцца больш спакойны, лаканічны і эфектны. Як ні дзіўна, але тое, што выглядае проста, часцей за ўсё ўскладняе працэс вырабу ўпакоўкі, таму запамінальныя цюбікі з мінімалістычным дызайнам могуць дазволіць сабе толькі кампаніі з самым сучасным абсталяваннем.

Разам з развіццём рынку ўпакоўкі эвалюцыянуе і пакупнік, які становіцца больш пераборлівы і патрабавальны. Людзі навучыліся разбірацца ў прадуктах, параўноўваць іх паміж сабой не толькі знешне, але і па складзе і характарыстыках таго, што ўнутры. Як вынік, павялічваюцца патрабаванні да ўпакоўкі, адзначаюць эксперты.

Цяпер нельга абмежавацца ў тары толькі ўтрымліваннем прадукту, зручнасцю яго транспарціроўкі і выкарыстання. Усё больш важкім становіцца патрабаванне да экалагічнасці цюбікаў і магчымасці далейшай перапрацоўкі выкарыстанай тары.

— Пры гэтым экатрэнд распаўсюджваецца не толькі на матэрыялы, але і на колеравую гаму ўпакоўкі. Пакупнікі аддаюць перавагу натуральным колерам і адценням цюбікаў, якія не кідаюцца ў вочы, — адзначыла Алена Івашчук.

Як паказвае практыка, цяпер у цюбік можна ўпакаваць практычна любы прадукт, таму наступны крок для гэтай тары на шляху заваявання даверу пакупніка — экалагічнасць.

Ірына СІДАРОК

Фота аўтара

Загаловак у газеце: Цюбікі для прадуктаў, лекаў, касметыкі

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.