Вы тут

У Замкавым комплексе ў Міры працуе выстаўка Уладзіміра Правідохіна (Хіна) «Запіс прасторы»


Расказвае куратар выстаўкі, кіраўнік праекта Art librum мастацтвазнаўца і выдавец Ала Зміёва:


Па-першае, хацелася б падзякаваць кіраўніцтву музея, Міністэрству Рэспублікі Беларусь, што ў такой гістарычнай атмасферы, якой з’яўляецца Музей «Замкавы комплекс «Мір», знаходзіцца месца выяўленчаму мастацтву. Уладзімір Хін — вядомы ў краіне майстар. І зараз у Міры ўвазе гледачоў прадстаўлены яго графічныя працы малых формаў, выкананыя ў тэхніцы лінагравюры і абрэзанай дошкі на дрэве. Так што чакаем усіх наведвальнікаў замка ў Слановай зале музея. Па-другое, хацелася б спадзявацца, што і гэтая выстаўка, і іншыя творчыя праекты стануць часткай прадстаўлення кніжнага мастацтва. І айчыннай і замежнай кніжнай графікі, і экслібрыса... Няхай бы ў Беларусі быў такі адмысловы адрас, дзе заўсёды віталася кніга як мастацкая з’ява. 

Крыху пра Уладзіміра Правідохіна (Уладзіміра Хіна). Нарадзіўся мастак у 1945 годзе. Член Саюза мастакоў Беларусі. Працуе ў галіне станкавай лінагравюры, плаката і ў шрыфтавой графіцы. Часта звяртаецца ў сваёй творчасці да працы над кніжным знакам і віншавальнай паштоўкай. Пачынаючы з 1975 года, мастак займаецца праблемай сінтэза ў выяўленчым мастацтве: адлюстраванне і слова, колер і гук, прастора і час, знак і знакавыя сістэмы. Творчая дзейнасць Уладзіміра Хіна адрозніваецца дзіўным шматабліччам мастацкіх прыёмаў і метадаў, арыгінальнымі кампазіцыйнымі рашэннямі і сюжэтнай дынамікай. Гравюры мастака зарыентаваны не толькі на «вобраз», але і на «ідэю», на рашэнне той ці іншай пластычнай задачы. Літаратурны тэкст прыцягвае мастака сваёй падвойнай прыродай, здольнасцю адначасова сімвалізаваць і яснасць, і таямніцу. Выкарыстоўваючы «літару» тэкста як знак, мастак адгадвае ў ёй патэнцыял выразных сродкаў, новага, нечаканага мастацкага матэрыялу. Літары актыўна ўдзельнічаюць у стварэнні рытмічнай пабудовы гравюр. Асноўны прынцып у яго мастацтве — прынцып метамарфозы, графічная гульня, якая разбурае прагматычныя і рацыяналістычныя ўяўленні чалавека, які прыналежны да сучаснай тэхнагеннай цывілізацыі. 

Мастацтва Уладзіміра Правідохіна (Хіна), — падкрэслівае Ала Зміёва, — перш-наперш інтэлектуальнае. Яно мае на ўвазе размову не гэтулькі ў тэрмінах традыцыйнага мастацтвазнаўчага аналізу, колькі ў філасофскіх катэгорыях. Космас, Універсум, «перакрыжаванні сусветаў» — менавіта такая плынь асацыяцый выяўляецца пры пагружэнні ў мастацкі свет творцы.

Нагадаем пра некаторыя персанальныя выстаўкі Уладзіміра Хіна. У 1995 годзе — выстаўка эстампа ў Палацы мастацтва ў Мінску. 2003 год — выстаўка эстампа, прысвечанаяя 200-годдзю з дня нараджэння Ф. Цютчава, у Нацыянальнай бібліятэцы Рэспублікі Беларусь. У 2006-м — адразу тры выстаўкі: у музеі Марка Шагала ў Віцебску — «Прастора гравюры»; у Бранску; «Эстамп» — у музеі Сучаснага выяўленчага мастацтва ў Мінску. Не аднойчы працы У. Хіна выстаўляліся ў Мастацкай галерэі Нацыянальнага Полацкага гісторыка-культурнага музея-запаведніка. 

Мікола МІРШЧЫНА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.