Вы тут

Класікі шмат не бывае


На наступным тыдні ў кінематаграфічным свеце адзначаць 100-годдзе дзвюх выдатных савецкіх актрыс Любові Маліноўскай і Любові Сакаловай, а ў эфіры сацыякультурнага тэлеканала гледачоў чакаюць паказы фільмаў вытворчасці «Беларусьфільма» з іх удзелам.


Артыстку Любоў Маліноўскую ўбачым у кінастужцы «Пасля кірмашу». Гэтая мастацкая кінагісторыя з'явілася ў 1952 годзе як экранізацыя па матывах п'есы Янкі Купалы «Паўлінка». Галоўную ролю ў фільме сыграла Людміла Сенчына, а Любові Маліноўскай тады дасталася роля Агаты. Акцёрскі склад той кінагісторыі ўвогуле быў зорным, бо там зняліся артысты Аўгуст Мілаванаў, Галіна Макарава, Міхаіл Пугаўкін, Барыс Новікаў і іншыя. Асвяжыць у памяці класічны сюжэт аўдыторыя зможа 31 ліпеня ў ранішнім эфіры ці ў паўторы ў панядзелак 2 жніўня ў 16.55.

А вось у кінастужцы «У бары брусніцы» (рэж. Яўген Васільеў), што таксама мае літаратурную аснову, якую склалі аповесці Леаніда Фралова «У бары брусніцы» і «Да сына», зможам назіраць за пераўвасабленнем у кадры Любові Сакаловай. Фільм падымае шэраг важных тэм, тут расказваецца і пра ўзаемаадносіны пакаленняў, і пра тое, што дзеці не заўсёды гатовыя аддзякаваць за сваё выхаванне... Дзве серыі — магчымасць убачыць дзве розныя рэчаіснасці, а разам з тым задумацца, ці настолькі ўжо ўстарэлі былыя погляды на сям'ю і пабудову ўзаемаадносін з блізкімі і роднымі людзьмі. Не прапусціце паказ у суботу ў 17.45.

Алена ДРАПКО

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».