Вы тут

Усходні гараскоп на наступны тыдзень


АВЕН. Рэалізацыя намечаных планаў пройдзе значна больш эфектыўна, калі вы выкарыстаеце свае дзелавыя і сяброўскія сувязі, зрэшты, празмерна злоўжываць асабістымі адносінамі таксама не варта. У аўторак непажадана пачынаць вялікія справы, звязаныя з фінансавай рызыкай. Выхадныя добра было б правесці за горадам, у коле сям'і ці ў блізкіх сваякоў на вёсцы.


Фота: pixabay.com

ЦЯЛЕЦ. На гэтым тыдні можна спадзявацца на прыліў сіл і добрую працаздольнасць, у дзелавым партнёрстве справы пойдуць на лад. Надыходзіць спрыяльны час для новых знаёмстваў ці новай работы. У прафесійнай сферы важная інтэнсіўнасць, але ва ўсім неабходна ведаць меру, блізкія людзі і нават вы самі можаце пацярпець ад імкнення ўвесь час аддаваць рабоце. Вы цалкам здольныя падкарэктаваць ход свайго лёсу і змякчыць яго вострыя вуглы. Варта праявіць вытрымку і цярпенне.


БЛІЗНЯТЫ. Надыходзіць асабліва ўдалы час для рэалізацыі дзелавых ідэй і асабістых жаданняў. Лепш за ўсё засяродзіцца на доўгатэрміновых планах. Можаце смела глядзець у будучыню, дэманстраваць свае погляды і выказваць меркаванне, любімы чалавек паспрабуе яго ўлічыць і зробіць усё, каб ажыццявіць вашы мары.


РАК. Калі рэзкае слова будзе гатовае сарвацца з языка, падумайце пра магчымыя наступствы. Толькі вытрымка зможа ўтрымаць падзеі ў мірным рэчышчы. У рэшце рэшт вы здолееце перавярнуць нявыгадную сітуацыю на карысную для сябе, калі трохі падумаеце. Ваша энергічнасць дазволіць атрымаць поспех у многіх справах. Але паспрабуйце моцна не стамляцца.


ЛЕЎ. На гэтым тыдні могуць абвастрыцца пытанні кар'еры і ўлады, але калегі вас падтрымаюць і абстаноўка на рабоце хутка палепшыцца. Не бойцеся прымаць важныя рашэнні не толькі за сябе, але і за іншых. Адчуеце, што неабходныя начальству і партнёрам, але ёсць небяспека ілюзій і «зорнай хваробы». Так што не будзьце ласыя на ліслівасць, не ўсыпляйце сябе дыфірамбамі навакольных. Вашы дасягненні патрабуюць пацвярджэння практыкай, і магчымасць даказаць і адстаяць пазіцыі ў вас з'явіцца.


ДЗЕВА. Задача на тыдзень — добрасумленна выконваць сваю работу, дзелавой хваткі і здольнасцяў вам хапае. Не будзьце занадта цікаўныя, паспрабуйце спакойна паставіцца да чужых таямніц і да інтрыг у калектыве. У сярэдзіне тыдня працаздольнасць павысіцца, адкрыюцца магчымасці, якія спрыяюць успрыманню і перапрацоўцы вялікага аб'ёму інфармацыі, гэтым проста неабходна скарыстацца.


ШАЛІ. Удача можа апынуцца на вашым боку, але працаваць давядзецца шмат. Неабходна рэалістычна паглядзець на некаторыя рэчы і прыняць часам нават не зусім прыемныя для вас рашэнні. Людзі пакажуць свае сапраўдныя твары, і яны могуць вам не спадабацца. Але такая шчырасць дазволіць умацаваць адносіны з тымі людзьмі, якім вы сапраўды неабходныя і дарагія.


СКАРПІЁН. Удача будзе спадарожнічаць у бізнесе, дзелавых зносінах і ў асабістым жыцці. Справы складваюцца добра, нягледзячы на шэраг праблем, звязаных з неабходнасцю вызвалення ад ранейшых абавязацельстваў. Прыслухайцеся да голасу інтуіцыі, і яна падкажа самае дакладнае рашэнне ў складанай сітуацыі. Выбірайце сэрцам. Каханне важнейшае за доўг. Часцей прызначайце спатканні, адпраўляйцеся ў рамантычнае падарожжа.


СТРАЛЕЦ. Гэтымі днямі ваша прадпрымальнасць дазволіць рэалізаваць многія задумкі. Праявіўшы вынаходлівасць у справах, вы даможацеся практычна ўсяго, чаго пажадаеце. Аўторак запатрабуе адказнасці і сабранасці. У сераду прыйдзецца цалкам разлічваць на свайго партнёра — ён ведае, як лепш. У нядзелю не гарачыцеся, бо канфліктная сітуацыя ў сям'і можа зацягнуцца і мець непрыемныя наступствы.


КАЗЯРОГ. На гэтым тыдні будзе карыснае ўменне аналізаваць сітуацыю і паводзіны людзей і рабіць правільныя высновы. Паспрабуйце быць гранічна сумленнымі з самімі сабой, зніміце ружовыя акуляры. Цяпер пажадана не эпаціраваць навакольных экстравагантнасцю і рэзкімі развагамі. Выхадныя ідэальна падыходзяць, каб расслабіцца на канапе з кнігай у руках або заняцца чымсьці, што будзе карыснае для здароўя. Адпачынак на лецішчы ў коле сям'і будзе зусім не сумны.


ВАДАЛІЎ. Калі не станеце падганяць падзеі або праяўляць залішнюю нервовасць і нецярпенне, тыдзень абяцае быць спакойным і размераным. У аўторак сябры падтрымаюць і дапамогуць. У сераду лепш не прад'яўляць прэтэнзій ці патрабаванняў да начальства, гэта прывядзе да канфлікту. У канцы тыдня трэба менш гаварыць, больш рабіць, не перашкаджаючы калегам сваімі парадамі. У нядзелю не выключаныя прыемныя нечаканасці.


РЫБЫ. У панядзелак магчымая сустрэча, якая зменіць вашы планы. Серада можа паднесці сюрпрыз, вы апыняцеся ў цэнтры падзей і атрымаеце з гэтага максімум карысці. Вы заўсёды лічылі за лепшае не расказваць пра свае справы, але цяпер вам не ўдасца захаваць іх у тайне. Можна папрасіць парады ў сяброў. У другой палове тыдня верагодная крытыка з боку начальства і вашых таварышаў па службе. Паспрабуйце не рыхтаваць сабе глебу для будучых расчараванняў, не ідэалізуйце навакольных і вашы з імі адносіны. У выхадныя не прапусціце вечарынку ў сяброў або пікнік на лецішчы ў сваякоў.

Выбар рэдакцыі

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.