Нацыянальны алімпійскі камітэт выступіў з афіцыйнай заявай наконт спынення ўдзелу ў Алімпійскіх гульнях Крысціны Ціманоўскай. «Па словах дактароў, у сувязі з эмацыйна-псіхалагічным станам беларускай лёгкаатлеткі Крысціны Ціманоўскай, трэнерскім штабам нацыянальнай каманды па лёгкай атлетыцы прынята рашэнне аб спыненні выступлення спартсменкі на Гульнях XXXII Алімпіяды.
Такім чынам, адкліканая заяўка спартсменкі на ўдзел у кваліфікацыйных забегах на 200 м і ў эстафеце 4×400 м», — перадае прэс-служба НАК Беларусі, — НАК Беларусі ўважліва сочыць за сітуацыяй і працуе ў цесным супрацоўніцтве з арганізацыйным камітэтам Гульняў і Міжнародным алімпійскім камітэтам. Падкрэсліваем, у адпаведнасці са Статутам і Алімпійскай Хартыяй, НАК Беларусі гатовы і далей адстойваць і абараняць інтарэсы ўсіх беларускіх атлетаў ад любых формаў дыскрымінацыі, калі такія будуць мець месца«- перадалі ў арганізацыі.
Нагадаем, 1 жніўня стала вядома, што Крысціна Ціманоўская не прыме ўдзел у кваліфікацыйных забегах на 200 м і ў эстафеце 4 па 400 м. Дагэтуль спартсменка публічна абуралася тым, што яе не папярэдзілі аб удзеле ў эстафеце 4 па 400 м.
Галоўны трэнер нацыянальнай каманды Рэспублікі Беларусь Юрый Маісевіч па лёгкай атлетыцы ў праграме «Тыдзень» на тэлеканале СТБ расказаў аб прычынах такога рашэння. «Мы прымаем рашэнне, што мы замяняем. Таму што адмаўляцца ад эстафеты не варта, усё ж такі мы заваявалі пуцёўку. Мы маем права з ліку спартсменаў, якія тут знаходзяцца, у нас у дэлегацыі, ёсць такое правіла, мы можам дадаць дваіх гэтых чалавек. Яны ж у камандзе. За каманду — гэта ж гонар. Скажам так, у нас дзве бягунні — гэта Герман Эльвіра і Ціманоўская Крысціна. Мы просім, размаўляем з трэнерам Герман Эльвіры і кажам: „вось такая сітуацыя“. Ён кажа: „Ды я не супраць , і яна, у прынцыпе, не супраць. Але ёй бегчы бар`р“. Ён просіць, для таго каб не траўмаваць спартсменку, таму што ў яе асноўны від, давайце мы гэта не будзем агучваць. Мы заяўку падаем, таму што мы не маем права трымаць, у нас дэдлайн быў. А Ціманоўская кажа, што не змагла датэлефанавацца да нас, але пачакаць гадзіну-дзве, калі мы прыедзем пасля стадыёна. У сілу сваёй выхаванасці, у сілу свайго паняцця яна пачынае — гэтак жа цяпер модна ў сацсетках — выплюхваць усякія такія рэчы: з ёй не параіліся. Мы мелі намер усё гэта расказаць, растлумачыць, тым больш яна запасная», — пракаментаваў Юрый Маісевіч.
Гэты інцыдэнт выклікаў вялікі рэзананс сярод спартыўнай грамадскасці. Сярэбраны прызёр Алімпійскіх гульняў 2010 года бяітланіст Сяргей Новікаў лічыць, што Крысціна Ціманоўская няправільна павяла сябе ў гэтай сітуацыі. На думку спартсмена, у першую чаргу, трэба было не пасты ў інтэрнэце пісаць, а пагаварыць з трэнерскім саставам. Сяргей Новікаў:«Эстафета, куды ўключылі Ціманоўскую, адбылася б пасля яе профільнай гонкі. І замест таго, каб падтрымаць сваю каманду і краіну, яна стала дамагацца нейкага хайпа і, напэўна, сваіх асабістых мэтаў. У любым выпадку, раз ужо беларуская каманда заяўлялася на ўдзел у гэтых спаборніцтвах, знаходзячыся ўжо ў Токіо, можна было трохі зменшыць запал і тон ды выступіць. Для любога спартсмена дадатковы ўдзел у яшчэ адным выглядзе праграмы, хоць і няпрофільным, павінен быць за шчасце. Тым больш, ведаючы, што трэба падтрымаць каманду, — падзяліўся Сяргей Новікаў у каментарыі БелТА.
Алімпійская чэмпіёнка па спартыўнай гімнастыцы Святлана Хоркіна ў інтэрв`ю радыёстанцыі «Гаворыць Масква» выказала меркаванне аб тым, што Крысціна Ціманоўская магла спланаваць гэты скандал. На думку Святланы Хоркінай, у праўдзівасці беларускай спартсменкі трэба разбірацца. «Ці мала што там адбылося? Калі яе пад аховай вязуць, як яна магла відэа выкласці? Гэта насцярожвае. Калі б на яе так ціснулі, то, напэўна, усё б адабралі. Тут 50 разоў бабка шаптала. Трэба правяраць інфармацыю і не раздуваць скандал. Не Алімпійскія гульні, а базар», — выказалася чэмпіёнка.
Параалімпіец Аляксей Талай падкрэсліў, што сваім учынкам Крысціна Ціманоўская нанесла шкоду краіне і беларусам. «Вельмі непрыемна мне як спартсмену-параалімпійцу назіраць гэтую сітуацыю. Бо мы, спартсмены, у першую чаргу — прадстаўнікі краіны. Шмат хто з нас ішлі да гэтага ўсё сваё жыццё, з дзяцінства трэніраваліся, выхоўваліся на патрыятызме, любові да Айчыны. І для нас самае радасная падзея — гэта заваяваць медалі для нашай краіны, каб гучаў гімн тваёй дзяржавы. Не толькі паказаць прыгожы спорт, высокія дасягненні, але і таксама заявіць пра краіну на ўвесь свет. Па нас судзяць аб краіне. І як вяршыня любых спартыўных спаборніцтваў — гэта Алімпійскія і Параалімпійскія гульні, тут у першую чаргу мы павінны сябе паводзіць звышакуратна, тактоўна, выразна, скаардынавана, каб лішняга не выдаваць у эфір. Гэта разумеюць спартсмены з усяго свету. І тут, на жаль, наша Крысціна паддалася ціску асяроддзя», — адзначыў Аляксей. Ён упэўнены, што Крысціна зрабіла вялікую памылку.
Валерыя СЦЯЦКО
Мерапрыемства праводзіцца на добраахвотнай аснове.
Не выявіць ні секунды абыякавасці.
