Вы тут

Цёплае з дажджамі надвор’е чакаецца ў Беларусі ў выхадныя


Цёплае з дажджамі надвор’е чакаецца ў Беларусі ў выхадныя, паведамілі БелТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Pixabay.com

«Першы тыдзень жніўня ў Беларусі характарызаваўся няўстойлівым і умерана цёплым надвор’ем. Сярэднясутачная тэмпература паветра знаходзілася ў межах 17-22 градусаў, што блізка да нормы, а па ўсходзе краіны на 1-2 градусы вышэй яе. Перыядычна адзначаліся дажджы рознай інтэнсіўнасці, якія суправаджаліся навальніцамі і месцамі моцнымі ліўнямі», — распавялі сіноптыкі.

У бліжэйшыя суткі, 6 жніўня, умовы надвор’я будуць вызначацца уплывам актыўнага паўднёвага цыклону і сістэмы яго атмасферных франтоў. Чакаецца пахмурнае і дажджлівае надвор’е. У начныя гадзіны па поўдні, раніцай і днём у многіх раёнах Беларусі прагназуюцца моцныя дажджы, навальніцы. Па захадзе месцамі пройдуць вельмі моцныя дажджы. У дзённы час па ўсходзе чакаецца град. У многіх раёнах будзе ўзмацненне ветру да 15-20 м/с. На пятніцу дзейнічае папярэджанне аб неспрыяльных з’явах (аранжавы ўзровень небяспекі). Тэмпература паветра ўначы складзе плюс 11-18. Днём будзе ад плюс 15 па паўночным захадзе да 29 градусаў цяпла па паўднёвым усходзе.

У суботу, 7 жніўня, цэнтр цыклона перамесціцца з тэрыторыі рэспублікі на краіны Балтыі, і Беларусь будзе знаходзіцца ў яго тылавой частцы. Ноччу на большай частцы тэрыторыі, днём месцамі пройдуць кароткачасовыя дажджы. У асобных раёнах прагназуюцца навальніцы. Тэмпература паветра ўначы складзе плюс 11-18. Днём паветра прагрэецца да 18-25 градусаў.

У нядзелю, 8 жніўня, пад уплывам вобласці павышанага атмасфернага ціску чакаецца пераважна без ападкаў, толькі днём месцамі па захадзе ёсць верагоднасць кароткачасовых дажджоў, магчымы навальніцы. Ноччу і раніцай у асобных раёнах краіны прагназуецца слабы туман. Тэмпература паветра ўначы складзе плюс 8-15. Днём будзе 22-29 градусаў цяпла.

У пачатку наступнага тыдня ўмовы надвор’я будуць знаходзіцца пад уплывам няўстойлівых паветраных мас і малаактыўнага атмасфернага фронту, што паступаюць з Заходняй Еўропы. Месцамі па краіне пройдуць кароткачасовыя дажджы і будзе ўмерана цёпла.

У панядзелак, 9 жніўня, тэмпература паветра ўначы складзе плюс 11-18. Днём будзе плюс 21-28, па паўднёвым усходзе 29-31 градус.

У аўторак, 10 жніўня, тэмпература паветра ўначы будзе 11-18 градусаў цяпла. Днём паветра прагрэецца да 20-27.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».