Вы тут

Зразумець сваіх, каб не стаць чужымі


Час ідзе, а чалавечая сутнасць не змяняецца. Асабліва гэта заўважаецца, калі глядзіш кіно, якое здымалі дзясяткі гадоў таму. Кінастужка «Цешча», якая падымае тэму ўзаемаадносін пакаленняў бацькоў і дзяцей, людзей з рознымі поглядамі і характарамі, — не выключэнне. Убачыць яе зможам у гэтыя выхадныя на «Беларусь 3».


«Цешча» з'явілася на «Беларусьфільме» ў 1973 годзе. Рэжысёрам карціны значыцца Сяргей Сплашноў, які да гэтага зняў фільмы «Зялёныя агні» (1955), «Нашы суседзі» (1957). Спачатку задумвалі і здымалі стужку з Гарнікам Азаранам і маскоўскімі акцёрамі, але потым сітуацыя змянілася (малады рэжысёр не знайшоў паразумення са сцэнарыстам Уладзімірам Фіганавым з-за таго, што ўнёс карэктывы ў першапачатковы сцэнарый) і зрабілі яе ўжо з новай камандай. Тут задзейнічаны Генадзь Гарбук, Стэфанія Станюта, Павел Малчанаў і іншыя. Галоўную гераіню сыграла Таццяна Карпава, роля яе дачкі дасталася Галіне Фядотавай, а кіроўцу Сашу на экране ўвасобіў Аляксандр Удовін.

Сюжэт просты і жыццёвы... У адным са шматкватэрных дамоў Мінска (пачатак 1970-х гадоў) жывуць людзі розных узростаў і характараў. І сярод іх ёсць Клаўдзія Іванаўна, якая вельмі непакоіцца пра будучае сваёй дачкі і яе кар'еру вучонага. Яна бярэ сітуацыю ў свае рукі і разбурвае адносіны дзяўчыны з хлопцам Аляксандрам, які працуе шафёрам. Ды і суседзям жанчына не дае спакойна жыць, бо тыя быццам бы перашкаджаюць ёй... Хто ж атрымае канчатковую перамогу ў гэтай схватцы з рэчаіснасцю і яе абставінамі? Убачым 7 і 8 жніўня ў эфіры сацыякультурнага тэлеканала.

Алена ДРАПКО

Выбар рэдакцыі

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.

Грамадства

Як у маладой рэспубліцы ўвасаблялі амбіцыйны праект універсітэцкага гарадка...

Як у маладой рэспубліцы ўвасаблялі амбіцыйны праект універсітэцкага гарадка...

Асобнае месца займае будынак гімназіі Зубакіна і Фальковіча.

Эканоміка

Баляслаў Пірштук: Будучыня — за «зялёнай» эканомікай

Баляслаў Пірштук: Будучыня — за «зялёнай» эканомікай

З кожным днём на нашых дарогах усё больш электратранспарту.

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.