Міністэрства замежных спраў выступіла з заявай, дзе асудзіла прынятыя ЗША, Вялікабрытаніяй і Канадай 9 жніўня санкцыі супраць Беларусі.
Як сцвярджае МЗС, гэтыя краіны ў чарговы раз прадэманстравалі поўнае пагарджанне міжнароднага права, уласных міжнародных і двухбаковых абавязацельстваў, агалілі сапраўдныя мэты сваёй палітыкі ў дачыненні да Беларусі.
«Прыкрываючыся крывадушнымі лозунгамі абароны правоў чалавека і дэмакратыі, на справе нашы заходнія апаненты кіруюцца халодным геапалітычным разлікам. Іх дзеянні непасрэдна накіраваныя на падрыў суверэнітэту і незалежнасці Беларусі, дабрабыту і працвітання беларускага народа», — гаворыцца ў паведамленні міністэрства.
Паводле заявы, адзінае, чаго дамагаецца Захад, — змена ўлады ў Беларусі, і ў ход ідзе ўвесь арсенал метадаў «халоднай вайны» ў выглядзе нарошчвання знешняга палітычнага і інфармацыйнага ціску, увядзення авіяэмбарга, выкарыстання спорту ў палітычных мэтах, аж да фінансава-эканамічнага ўдушэння дзяржавы.
МЗС акцэнтуе ўвагу, што ўведзеныя аднабаковыя меры ў дачыненні да нашай краіны супярэчаць Статутам ААН і нормам міжнароднага права, іх абавязацельствам ў рамках АБСЕ.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
