Вы тут

Ілья Івашка заваяваў першы тытул міжнароднага турніру


У традыцыйным аглядзе «Звязды» расказваем, чым запомніўся мінулы спартыўны тыдзень.


Гульня тыдня. Мужчынская зборная Беларусі — бронзавы прызёр Кубку свету 3×3 U-18. У матчы за трэцяе месца беларусы не пакінулі шанцаў камандзе Егіпта, вынік сустрэчы — 21:9. Гэта першы ў гісторыі беларускага баскетболу 3×3 медаль планетарнага першынства. І гэты дэбют трэнера зборнай Аляксея Лашкевіча.

Жаночая зборная на гэтым турніры спынілася за крок да чвэрцьфінала. Але без поспехаў не абышлося. Прадстаўніца беларускай каманда Паліна Касцюкавец заваявала бронзавы медаль конкурсу баскетбольнага майстэрства, які праходзіў у межах Кубку свету.

Герой тыдня. Тэнісіст Ілья Івашка выйграў міжнародны турнір ATP у амерыканскім горадзе Уінстан-Сейлеме. У вырашальным матчы беларус перамог саперніка з Швецыі Мікаэля Імера — 6: 0, 6: 2. Гэта першы поспех Ільі Івашка на спаборніцтвах пад эгідай Асацыяцыі тэнісістаў- прафесіяналаў.

Раней падобнага поспеху ў адзіночным разрадзе сярод беларускіх тэнісістаў дасягаў Максім Мірны. У 2003 годзе ён заваяваў галоўны прыз міжнароднага турніру ў Ротэрдаме.

Гераіні тыдня. Беларускія валейбалісткі перамаглі зборную Славакіі ў заключным матчы групавой стадыі чэмпіянату Еўропы — 2021. Матч скончыўся вынікам 3: 2 (18: 25,23: 25, 25:23, 30:28, 15:12). Самай выніковай у складзе беларускай каманды стала Ганна Давыскіба, на яе рахунку 25 балаў, Ганна Клімец выканала 22 карысныя дзеянні. Такім чынам беларускія валейбалісткі засталіся на трэцім радку ў турнірнай табліцы групы С, зарабіўшы сем ачкоў пасля пяці сустрэч, і працягнуць турнірную барацьбу ў плэй-оф чэмпіянату Еўропы.

Няўдача тыдня. Хакеісты зборнай Беларусі не заваявалі пуцёўку на Алімпіяду ў Пекіне-2022. Вырашальным матчам кваліфікацыйнага турніру ў групе D стаў паядынак з дружынай Славакіі. Нічыя ў асноўны час (1: 1) не задавальняла беларускіх хакеістаў. У выніку, замена варатара на шостага палявога гульца ў канцоўцы матчу — прапушчаная шайба. Паражэнне з лікам 1:2, і ў Пекін у лютым 2022 года едзе Славакія.

Страта тыдня. Пайшоў з жыцця легенда савецкага і беларускага футбола Юрый Пудышаў. Такая інфармацыя змешчана на сайце футбольнага клуба БАТЭ.

«На 68-м годзе жыцця перастала біцца сэрца Юрыя Пудышава. Легенда савецкага і беларускага футбола, чэмпіён СССР у складзе мінскага «Дынама» ў 1982 годзе, у суверэнны перыяд ён аддаў шмат сіл і ўменняў працуючы ў трэнерскім штабе ФК БАТЭ. А ўжо тую душэўную атмасферу, якую Юрый Аляксеевіч ствараў ў калектыве, не забудзе ніхто і ніколі, — гаворыцца ў паведамленні.

У 1997–2003 гадах Пудышаў асыставаў Юрыю Пунтусу у галоўнай камандзе «жоўта-сініх». Разам з БАТЭ ён станавіўся двухразовым чэмпіёнам Беларусі (1999, 2002). З 2019 года працаваў трэнерам ў юнацкай камандзе гульцоў 2005 года нараджэння.

Валерыя СЦЯЦКО

Прэв’ю: pixabay.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».