Вы тут

Сямашка: У праграмах інтэграцыі застаўся адзін нявырашаны момант — тарыф на транспарціроўку газу


У праграмах па далейшым развіцці расійска-беларускай інтэграцыі, якія бакі маюць намер падпісаць у бліжэйшы час, застаўся адзін нявырашаны момант — тарыф на транспарціроўку газу. Аб гэтым, адказваючы на пытанні журналістаў у час рабочай паездкі ў Варонежскую вобласць, заявіў пасол Беларусі ў Расіі Уладзімір Сямашка, перадае БелТА.


«У нас адно з няпростых пытанняў, якое мы ўжо абмяркоўваем некалькі гадоў, — гэта стварэнне адзінага рынку газу, — сказаў Уладзімір Сямашка. — Інтэграцыйныя карты — што яны прадугледжваюць? Гэта, па сутнасці, план работы па інтэграцыі, які прадугледжвае стварэнне адзінага рынку электраэнергіі, адзінага рынку нафты і нафтапрадуктаў, адзінага рынку транспарту (у тым ліку аўтамабільнага, чыгуначнага і авіяцыйнага) і, зразумела, стварэнне адзінага рынку газу. У нас пакуль засталася праблема — падыходы да формулы цэнаўтварэння. Я спадзяюся, што мы гэту праблему таксама вырашым».

Пасол растлумачыў: па правілах расійскага цэнаўтварэння цана на газ складваецца з сабекошту непасрэдна газу, што здабываецца на свідравіне, і кошту транспарціроўкі. «Дык вось, для Беларусі транспарціроўка займае да 70 працэнтаў сабекошту, што з’яўляецца надзвычай завышаным, — адзначыў ён. — У той жа час у адпаведнасці з расійскімі правіламі ў Расіі ў структуры цаны лагістыка (транспарціроўка і захоўванне) — не больш за 20-30 працэнтаў. Інакш кажучы, па сутнасці, у нас засталася адна тэма — тарыф на транспарціроўку».

Адказваючы на пытанне, якой, на думку Уладзіміра Сямашкі, будзе цана на газ для Беларусі ў наступным годзе, ён адказаў: «Хутчэй за ўсё, на наступны год застанецца тая цана, якая ёсць цяпер. Але мы гаворым аб тым, што яшчэ праз год цана павінна быць блізкай да той, якую мы маем на граніцы Расіі і Беларусі».

Прэв’ю: БелТА

Выбар рэдакцыі

Палітыка

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Спецыяльна дзеля свята кіраўнік дзяржавы раней вярнуўся з Душанбэ, дзе прымаў удзел у саміце АДКБ — ШАС. 

Культура

Музейшчыкі паказалі, як на галоўную вежу Старога замка ў Гродне нанеслі зграфіта

Музейшчыкі паказалі, як на галоўную вежу Старога замка ў Гродне нанеслі зграфіта

Гісторыка-археалагічны музей у Гродне апублікаваў на сваім YouTube-канале відэа, як стваралі зграфіт

Грамадства

Як пазбегнуць вучэбных перагрузак?

Як пазбегнуць вучэбных перагрузак?

Кожнаму з бацькоў хочацца, каб яго дзіця было рознабакова развітым, паспяховым у будучым. 

Грамадства

Адрасы адзінства: Як адзначылі свята ў розных кутках краіны

Адрасы адзінства: Як адзначылі свята ў розных кутках краіны

У кожным з гарадоў адкрываліся памятныя знакі, праходзілі экскурсіі і мітынгі.